Datura

Ord Wikipedia
Jump to navigation Jump to search
Quist artichel es scrit in rumauntsch puter

Datura es il nom d'üna gruppa taliauna da musica da disco furmeda dal 1991 dals musicists Ciro Pagano e Stefano Mazzavillani. Amparo Fidalgo ho chanto la megldra part da las chanzuns da quista gruppa.

Il nom[modifitgar | modifitgar il code]

Il nom "Datura" deriva da üna plaunta medicinela mexicauna da listess nom, chi vegn druveda dals striuns Yaqui düraunts ils rituels mistics per s'approsmer a la cugnuschentscha.
Ils commembers da la gruppa haun tschernieu quist nom, perque ch'els haun paschiun pel misticissem, elemaint fich preschaint in sias chanzuns.

Carriera[modifitgar | modifitgar il code]

La gruppa naschit dal 1991 zieva l'inscunter traunter Pagano (da pü bod guiteder da la gruppa Gaznevada) e Mazzavillani (arrandscheder chi ho lavuro per bgers chantunzs taliauns scu Patty Pravo, Ivan Cattaneo e Righeira) e'ls discjockey e producent da musica Ricci e Cirillo. Zieva avair stipulo ün contrat culla chesa discografica "Trance Records", a la fin 1991 gnit our la chanzun Nu Style, illa quela la vusch d'ün striun annunzcha il proget mistic e musical dals Datura. Ella vet success ed entret illas paradas da hits dal sectur.
Il success da public rivet dal 1992 zieva la publicaziun da la chanzun Yerba del Diablo, töch musica "trance" cul quêl la gruppa guadagnet sieu prüm disc d'or per and avair vendieu 100.000 copchas.
Zieva que cumanzettan ils Datura üna turnea illas discotecas taliaunas pü renumnedas fand ün spectacul rich da simbolicas e clams davart misticissem, chi prevaiva eir la simulaziun d'ün rituel cun l'adöver d'intschais e pittüras. La chantunza Amparo Fidalgo dschaiva in lingua spagnola simplas frasas introductivas in bgers success da la gruppa.
Dal 1993 gnit our la chanzun Devotion, chanteda da Billie Ray Martin (da pü bod chantunza dals Electribe 101). Ella entred illas prümas deschs pusiziuns da la parada da hits taliauna. Düraunt listess an gnit publicho l'album Eternity, chi cuntegna oters success scu Passion e Mystic Motion, dasper Devotion e la chanzun cun listess nom da l'album.
Dal 1994 preschantet la gruppa la versiun "Eurodance" da Fade to Grey, chanzun dal 1984 dals inglais Visage, in collavuraziun cun Steve Strange, chantunz da la medemma gruppa. Sülla vart B da listess disc daiva que la chanzun El Sueño, chi gnit fich suno illas discotecas e dvantet eir ün chaunt da fan da ballapè. Zieva gnit our la chanzunThe 7th Allucination e gnittan ils Datura elet scu megldra gruppa da musica da disco da l'an 1994.
Dal 1995 suottascrivane ün contrat cun la chesa discografica "Time Records" e zieva publichettane il töch musica Infinity insembel cun ils U.S.U.R.A., otra gruppa taliauna da musica da disco fich renumneda, ed eir Angeli Domini, chanto dad ün chor in latin chi tira adimmaint ils chaunts gregoriauns.
Dal 1996 pigliettan ils Datura inspiraziun il prüm dal budissem per lur chanzun Mantra e zieva dal voodoo per Voo-Doo Believe?, chanto da Danny Losito, commember dals Double Dee.
Oters success füttan The Sign dal 1997 e I Will Pray dal 1998.
Eir pervi da la mort dal discjockey Ricci, zieva la chanzun dal 1999 I Love to Dance (chanteda da Ben Volpelier Pierrot, da pü bod chantunz dals Curiosity Killed the Cat) fet la gruppa üna posa da trais ans, düraunt ils quêls as dedichettan Ciro Pagano e Stefano Mazzavillani ad oters progets musicals.
Els turnettan dal 2002, cur ch'els publichettan Will Be One; dal 2004 gnit our la chanzun Summer of Energy in collavuraziun cun Gigi D'Agostino. In seguit as dedichettane il prüm ad arrandscher darcho sias chanzuns e zieva (daspö 2006) a lantscher lur proget clamo "Pezzi da 90"; que es ün proget chi ho per böt la rescuvierta da la musica da disco dals auns Nonaunta.

Commembers[modifitgar | modifitgar il code]

Collavuraziuns principelas[modifitgar | modifitgar il code]

Discs[modifitgar | modifitgar il code]

Albums[modifitgar | modifitgar il code]

  • 1993 - Eternity

Chanzuns[modifitgar | modifitgar il code]

  • 1991 – Nu Style
  • 1992 - Yerba del Diablo
  • 1993 - Eternity
  • 1993 - Devotion
  • 1994 - The 7th Allucination
  • 1994 - Fade to Grey (vart A) / El Sueño (vart B)
  • 1995 - Infinity
  • 1995 - Angeli Domini
  • 1995 - Mystic Motion '95
  • 1996 - Mantra
  • 1996 - Voo-Doo Believe
  • 1996 - From Here to Eternity
  • 1997 - The Sign
  • 1997 - Passion '97
  • 1998 - I Will Pray
  • 1999 - I Love to Dance
  • 2001 - Yerba del Diablo Part III
  • 2002 - Will Be One
  • 2004 - Summer of Energy

Colliaziuns[modifitgar | modifitgar il code]