Diaconia

Ord Wikipedia
Questa pagina è scritta en puter.
Vincent van Gogh: Il Sameritaun misericordiaivel, öli sün taila, 1890

Diaconia es il servezzan (uschè eir il sen dal pled grec diakonia) vi a l'umaun infra il spazi da la baselgia. Sper la predgia e la liturgia es la diaconia üna terza fuorma oriunda dal cristianissem da's preschanter i'l muond.

Bibgia[modifitgar | modifitgar il code]

Il raquint da l'origen dal muond süllas prümas paginas dal Vegl Testamaint porta già l'impissamaint cha l'umaun saja l'imegna da Dieu. Dimena posseda'l eir üna dignited straordinaria.

I'l Nouv Testamaint es la sumaglia dal Sameritaun misericordiaivel (evangeli seguond Lucas chapitel 10) l'exaimpel il pü renomno d'ün fer diaconic.

Professiun[modifitgar | modifitgar il code]

La baselgia antica cugnuoschaiva diacons chi schligeraivan als predichants dal servezzan pels povrets illa raspeda. I'l 19evel tschientiner es quist uffizi gnieu scuvrieu danöv, impustüt tres il movimaint da las diaconissas i'l protestantissem. Chaschuneda gnida la renovaziun dal impissamaint diaconic da la misergia dals lavuraints illas societeds industrialisos moderns.

Illa baselgia catolica es il diaconat üna s-chela avaunt il consacraziun da preir. Ultra da que do que eir ün diaconat stabel chi'd es aviert per homens maridos. Il diaconat tar la baselgia catolica es invezza in prüma lingia ün uffizi liturgic chi ho sia plazza in ed intuorn il cult divin.