Dietrich Bonhoeffer

Ord Wikipedia
Questa pagina è scritta en puter.
Dietrich Bonhoeffer in avuost 1939 cuort avaunt il cumanzamaint da la seguonda guerra mundiela

Dietrich Bonhoeffer (* 4 da favrer 1906 a Breslau; † 9 d'avrigl 1945 i'l champ da concentraziun a Flossenbürg) d'eira ün teolog luteraun ed ün martir da la cretta cristiauna suot l'ideologia naziunelsocialista dal uschedit Terz Reich in Germania.

Traunter 1933 e 1945 gniva Bonhoeffer considero scu ün commember prominent e profilo da la Baselgia confessaunta. A's vezzaiva a Bonhoeffer eir per ün da quels chi pruvaivan activamaing d'organiser resistaunza cunter il naziunelsocialissem.

Vita[modifitgar | modifitgar il code]

Al principi dals ans trenta d'eira Bonhoeffer assistent scientific a la faculted teologica a Berlin e spordschaiva seminaris e prelecziuns.

Daspö avrigl 1933 s'exprimaiva Bonhoeffer in möd cler cunter las acziuns anti-güdevas dal stadi naziunelsocialist. Infra la baselgia s'ingaschaiva'l cunter ils cristiauns tudas-chs e concretamaing cunter il paragraf d'ariaun, tenor il quêl güdevs battagios nu pudaivan rester commembers da la baselgia evangelica e gnivan exclus, eir ravarendas in uffici.

Dal 1935 giaiva'l a la testa dal seminari da predgia da la baselgia confessiunanta a Finsterwalde al nordost da Berlin e mnaiva quist'instituziun in illegalted fin 1940. Cur cha las sumbrivas da la guerra s'augmantaivan viepü, pigliaiva'l part a la resistaunza intuorn il cunter-admiral Wilhelm Franz Canaris. 1943 gniva'l miss in fermaunza zieva ch'el avaiva già il scumand da discuorrer publicamaing e da publicher. Immediatamaing aunz cha la guerra glivraiva, gniva Bonhoeffer executo sün cumand persunel d'Adolf Hitler.

Citats[modifitgar | modifitgar il code]

  • Be quel chi sbragia pels Güdevs perseguitos, suos-cha chanter in möd gregorianic.

Colliaziuns[modifitgar | modifitgar il code]