Districts dal chantun Grischun
Il chantun Grischun è dividì en 11 districts. Quests correspundan essenzialamain a las regiuns geograficas natiralas. Ils districts èn dividids en 39 circuls.
Per via da l'autonomia communala marcanta, sulettamain ils circuls han in'impurtanza (politica), entant ch'ils districts han be ina relevanza administrativa (per l'organisaziun da la giustia). Ils districts n'han betg chapitalas en il senn tradiziunal, però sulettamain la sedia da la dretgira districtuala u il domicil dal president/da la presidenta da la dretgira.
Ils districts dal chantun Grischun èn:
| District | Populaziun (dec. 2005) |
Surfatscha km² |
Dumber da vischnancas |
Circuls |
|---|---|---|---|---|
| Alvra | 8678 | 723.13 | 23 | Alvaschagn, Belfort, Bravuogn, Surses |
| Bernina | 4685 | 237.20 | 2 | Brusio, Puschlav |
| En | 9336 | 1196.77 | 18 | Ramosch, Sur Tasna, Suot Tasna, Val Müstair |
| Il Plaun | 17'669 | 203.78 | 7 | Trin, Razén |
| Landquart | 22'739 | 193.19 | 10 | Maiavilla, Tschintg Vitgs |
| Malögia | 17'933 | 973.28 | 16 | Bregaglia, Engiadin'Ota |
| Moesa | 7679 | 496.11 | 17 | Calanca, Mesauc, Roveredo |
| Partenz/Tavau | 25'539 | 823.95 | 15 | Tavau, Jenaz, Claustra, Küblis, Luzein, Schiers, Seewis |
| Plessur | 38'820 | 266.73 | 15 | Cuira, Churwalden, Scanvetg |
| Rain Posteriur | 12'455 | 617.67 | 37 | Avras, Tumleastga, Valragn, Schons, Tusaun |
| Surselva | 22'298 | 1373.39 | 43 | Cadi, Foppa, Lumnezia, Rueun, Stussavgia |
| Total (11) | 187'831 | 7105.20 | 203 |