Evelyn – Deschset ed en speranza

Ord Wikipedia
Jump to navigation Jump to search
Write.svg Questa pagina è scritta en sursilvan.
Edit-clear.svg Quest artitgel u questa secziun ha basegn d'ina repassada. Sche ti t'interesseschas per la tematica, pos ti al repassar e meglierar.

Motiv: clean up & vichifitgar --Andreas 18:38, 18 schaner 2010 (CET)


Evelyn – Deschset ed en speranza (en l'original tudestg Etwas lebt in mir – Siebzehn und schwanger) ei in roman per giuvenils da Maja Gerber-Hess. Gian Peder Gregori, Manfred Gross ed Ursulina Monn han translatau el en rumantsch grischun.

Resumaziun[modifitgar | modifitgar il code]

Evelyn Hoffmann, ina giuvna che ha gisiat onns e che va el tschunavel gimnasi ei en speronza. Ella ha in amitg che ha num Sten. Ella ha duas gadas emblidau da prender sia tabletta e ha aunc giu ina grippa dil magugn. Evelyn ha dus frars, Luzius e Roni. Ella famiglia eis ei mai lungurus. Avon gia da cuort ha ei dau ina turbulenza suenter l'autra. Il bab ha giu in'affera cun sia sexy secretaria Beatrix. Lu ha il tat giu in attaccader dilcor ed ei cuort sissu morts. Luzius ha avon cuort, cun mo 14 onns, entschiet a fimar hasch e Roni ha pér tschei onn stuiu repeter sia classa. Sten sa aunc nuot dalla gravidonza dad'Evelyn. Ella famiglia Hoffman dat ei mintga jamna la sonda ina conferenza da famiglia. Quella sonda raquenta Evelyn alla famiglia ch'ella ei en speronza. Suenter quella novitad ha bab mirau aunc mender che tier la sepultura dil tat e mumma aunc pli stressada che duront l'affera da Beatrix. Era ils dus frars han mirau el mund empau curios. Duront il proxim temps fa tier ils Hoffmanns tut empau la „tgagia“. Gliendisdis va Evelyn tier il miedi. A Roni ei quei che schabegia cun sia sora penibel. Cura che Evelyn raquenta a Sten dalla gravidonza eis el el tut deprimius. El vul ir a viagiar e buca mirar d'in pop. Ei dat lu ina sentupada denter la famiglia Hofmann e la famiglia da Sten Anderson. Ils geniturs da Sten lessen interrumper la gravidonza ed els lessen era pagar la scatschada. Denton Evelyn e Sten han decidiu ch'els vulan tener il pop. Per Evelyn ei el mument nuot positiv, auter che Sten tegn cun ella ed igl affon. In pèr dis suenter quella novitad vegn era la tatta sin visetas. Ella senta immediat ch'igl ei enzatgei. Evelyn raquenta. Il proxim di ha la tatta gia informau l'entira parentella. Tut quei ei fetg grev per Evelyn. Ella informescha ensemen cun Sten il rectur dalla scola, e quel empermetta ad Evelyn ch'ella sappi tuttina far a fin la matura e ch'el informeschi ils scolasts. Ei va buc ditg tochen che bunamein l'entira scola ei informada. Roni gauda la pli gronda stema en sia classa, dapi ch'els san dad Evelyn. Era Monica, ina mattatscha che plai a Roni tschontscha uss dapli cun el. Plaunsiu s'endinsa Evelyn vid il fatg, ch'ella daventa gleiti mumma. Ella legia cudischs che setractan dalla gravidonza ed ella cumpra gia soccas per siu pop. Ils geniturs da Sten lessen aunc adina che Eva interrumpa la gravidonza. Eva fa lu in test, per mirar sche siu affon ei buc mongoloids. Cura ch'ils Andersons han il resultat dil test e vesan, ch'igl affon sesviluppescha normal, dattan els si cun intimar Evelyn d'interrumper la gravidonza. Evelyn e Sten han adina dapli dispetas. El fa pli bugen giu cun ses amitgs che mirar per Eva. Il temps passa spert e gleiti vegnan gia las vacanzas d'unviern. La fiasta da nadal croda ell'aua perquei che Evelyn sto passentar treis dis el spital. Ella ei ussa el sisavel meins e ha priu tier nov kilos. Ella va denton aunc adina a scola. Luzius e bab fan ina combra per il pop ed Evelyn cusa tendas. Roni ei ussa ensemmen cun Monica e Luzius less far in emprendissadi sco graficher tier Otto Anderson, il bab da Sten. La mumma less puspei ir a luvrar e bab less midar sia plazza. Biars problems ella casa Hoffmann. Eva vegn adina pli sensibla ed entscheiva ad urar. Igl avrel stuess igl affon nescher. Ei ha ina gronda tensiun en casa. Ils 6 da matg entscheivan lu pér las deglias ed ils 8. da matg nescha finalmein Sebastian Hoffmann, suenter 35 jamnas gravidonza. Luzius manegia che quei temps en famiglia Hoffmann era ina catastrofa legreivla.

Figuras[modifitgar | modifitgar il code]

Figuras principalas ein Evelyn Hoffmann, Roni Hoffmann e Luzius Hoffmann.

Figuras secundaras ein Stefan e Irena Hoffmann (geniturs dad Evelyn), Sten Anderson e ses geniturs, Monica (amitga da Roni), la tatta (mumma dad Irena Hoffmann), Judith (amitga dad Evelyn), Romeo il tgaun dils Hoffmanns e Giulia, il gat dils Hoffmanns.

Ei dat aunc pliras figuras el cudisch, quelsAccord vegnan denton mo menziunaus fetg pauc ed els giogan buc ina gronda rolla.

Evelyn/Eva: Ella ei atgnamein ina che ha fetg bia temperament ed ella sa adina semetter atras encunter ils auters. Ella fa adina il meglier ord la situaziun. Denton duront la gravidonza ei ella bunamein il cuntrari. Ella ei fetg sensibla e schenada. Ella teidla bugen operas ed ella ei veramein in scheni da lungatgs.

Roni/Ronald: El s'interessescha el mument mo per mattatschas. El ha admira sia sora e Sten. El ei avon in temps vegnius sut las rodas. Haveva fimau hasch, tgei che ha dau grondas discussiun cun ses geniturs.

Luzius/Luz: Fa buc gronda attenziun en scola e sias notas daventan mendras. El fagess bugen in'emprendissadi sco graficher enstagl d’ina cariera academica, sco tut tschels en famiglia. El dat bugen giugs cun computer cun siu amitg Peter. El sevilenta spert da pintgas caussas, teidla bugen musica da hardrock ed el ha ils talents pli pratics dalla famiglia.

Stefan/bab Hoffman: El lavura en in labor e fa experiments cun animals. El less denton midar sia plazza, perquei che quella ei momentan in memia grond stress per el. El ha buc fetg gronds talents pratics, sch'ei va per luvrar cun lenna e guotas.

Irena/mumma Hoffman: Ella teidla adina radio per esser informada. Sco casarina vegn ella atgnamein cun tut a frida. Denton cura che Eva ei en speronza eis ella empau surdumandada ed ella less scappar dalla famiglia, ed entscheiver a luvrar. Aschia piarda ella sia atgna persunalitad sco casarina e mumma. Ella ei spert stressada e daventa savens vilada.

Tatta/Nona: Ella patterlescha fetg bugen bia. Ella sa sedepurtar scoisauda e senta adina immediat, sch'ei dat enzanua problems. Ella ei era in tec tradiziunala, quei munta ch’ella havess bugen, che Eva e Sten maridan.

Sten: El ei il cool dalla scola e ha adina ina remarca ironica sin bucca. El ei in scolar brav e pulit, el ei nuncumplicaus e per biars in bien cumpogn. El sa adina tgei far ed el less ir a viagiar el mund. El s'interessescha per la protecziun digl ambient.

Geniturs da Sten: Els ein fetg gentils, han contact cun biara glieud, mo mai nescha ina vera amicezia. Els han biars raps ed il bab ei darar da casa. El ei schef d'in biro da grafica. La mumma s'engascha en differentas organisaziuns caritativas.

Judith: Ella di adina sia opiniun e dat savens cussegls beinmanegiai.

Relaziuns denter las figuras[modifitgar | modifitgar il code]

Famiglia Hoffmann: Ina famiglia, nua che schabegie adina enzatgei. Els tegnan denton era ensemen e fan mintga sonda sera ina conferenza da famiglia, nua ch'els tschontschan da tut ils problems.

Famiglia Anderson: Sten ha buc ina fetg buna relaziun ad ils geniturs. La famiglia sesa strusch ensemen per tschinscthar in cun l'auter.

Ils Hoffmanns ed ils Andersons ein colligiai in cun l'auter, perquei che Eva e Sten han ensemen in affon. Las duas famiglias vegnan bien a frida in cun'lauter, domisdus han denton in tec in'autra opiniun.

Roni e Monica: Els han all’entschatta da sia amicezia ina fetg buna relaziun in cun l'auter. Quella daventa denton adina mendra, perquei ch'els han differents meinis. Monica gioga ina rolla impurtonta per Roni.

Evelyn e Judith: Judith ei ina buna amitga dad Eva. Ella gida e tegn cun Evelyn, duront sia gravidonza.

Evelyn e Sten: Van gia diesch meins ensemen. Per Evelyn eis ei fetg grev ch'el gida fetg darar ad ella. El tegn cun ella, denton pren buc risguard sin termins e fa pli bugen giu cun ses amitgs, che cun Eva. El tegn buc bia dalla romantica giavischada dad'Evelyn.

Ligioms[modifitgar | modifitgar il code]