Federaziun da las baselgias evangelicas da la Svizra

Ord Wikipedia
Jump to navigation Jump to search
Las baselgias chantunalas refurmadas en Svizra

La Federaziun da las baselgias evangelicas da la Svizra (tud. Schweizerischer Evangelischer Kirchenbund SEK; frz. Fédération des Églises protestantes de Suisse FEPS) cun sedia a Berna è ina federaziun ecclesiasta en Svizra.

La SEK-FEPS cumpiglia 26 baselgias commembras: 24 baselgias chantunalas e 2 baselgias independentas (Église Évangélique Libre de Genève e Baselgia evangelica metodista). La SEK-FEPS sez n'è betg ina baselgia en in senn teologic perquai che las baselgias commembras èn independentas e disponan dad atgnas organisaziuns teologicas e formalas. Ella operescha dentant sco organisaziun da tetg avant la regenza federala e represchenta las baselgias en relaziuns internaziunalas. Cun excepziun da la Baselgia evangelica metodista, che operescha en tut la Svizra, èn las autras baselgias commembras limitadas ad in u plirs chantuns.

Istorgia[modifitgar | modifitgar il code]

La SEK-FEPS è vegnida fundada l'onn 1920. Organisaziuns predecessuras eran la evangelische Tagsatzung (dieta evangelica) e la Schweizerische reformierte Kirchenkonferenz (conferenza ecclesiastica refurmada svizra), naschida l'onn 1858.

L'onn 1946 ha la Fundaziun fundà l'Agid da las Baselgias Evangelicas Svizras e l'onn 1963 l'ovra d'agid Paun per frars che dapi l'onn 1990 sa numna Paun per tuts. L'onn 1970 è naschì l'Institut social-etic che l'onn 2004 ha midà ses num en Institut per teologia ed etica.

Colliaziuns[modifitgar | modifitgar il code]