Baselgia evangelica refurmada da la Svizra

Ord Wikipedia
Jump to navigation Jump to search
Logo da la Baselgia evangelica refurmada da la Svizra (BERS)
Baselgias-commembras da la Baselgia evangelica refurmada da la Svizra (BERS)

La Baselgia evangelica refurmada da la Svizra[1][nota 1] (BERS) è dapi il 1. da schaner 2020 l'organisaziun-successura da la Federaziun da las baselgias evangelicas da la Svizra,[nota 2] che n'è betg mo pli ina federaziun tranter las baselgias chantunalas ma ch'enclegia er sasez sco baselgia. Quai vegn accentuà tras il fatg ch'il parlament da la baselgia sa numna ‹sinoda› e betg pli ‹radunanza da delegad(a)s› sco anc tar la Federaziun da las baselgias. Tenor il dretg da las uniuns è la BERS identica cun l'anteriura Federaziun.

Istorgia[modifitgar | modifitgar il code]

La Federaziun da las baselgias evangelicas è vegnida fundada l'onn 1920. Organisaziuns predecessuras eran la evangelische Tagsatzung (dieta evangelica) e la Schweizerische reformierte Kirchenkonferenz (conferenza ecclesiastica refurmada svizra), naschida l'onn 1858.

L'onn 1946 ha la Fundaziun fundà l'Agid da las Baselgias Evangelicas Svizras e l'onn 1963 l'ovra d'agid Paun per frars che dapi l'onn 1990 sa numna Paun per tuts. L'onn 1970 è naschì l'Institut social-etic che l'onn 2004 ha midà ses num en Institut per teologia ed etica.

Il 2018 ha la Federaziun da las baselgias evangelicas da la Svizra decidì da sa reorganisar per entschatta 2020 sco Baselgia evangelica refurmada da la Svizra (BERS) e d'adoptar ina constituziun correspundenta.

L'august 2019 ha la Federaziun da las baselgias evangelicas da la Svizra express ses sustegn per lètgs da pèrs omosexuals ed ha intimà sias baselgias-commembras da metter quai en la pratica.

Colliaziuns[modifitgar | modifitgar il code]

Annotaziuns[modifitgar | modifitgar il code]

Referenzas
  1. Pagina-web da la Baselgia evangelica refurmada da la Svizra
Notas-pe
  1. tudestg: Evangelisch-reformierte Kirche Schweiz (EKS), franzos: Église évangélique réformée de Suisse (EERS), talian: Chiesa evangelica riformata in Svizzera (CERiS)
  2. tudestg: Schweizerischer Evangelischer Kirchenbund (SEK), franzos: Fédération des Églises protestantes de Suisse (FEPS)