Baselgia evangelica refuormada dal Grischun

Ord Wikipedia
Jump to navigation Jump to search
Write.svg Questa pagina è scritta en vallader.
La baselgia San Martin a Cuoira sco la secreta baselgia principala da la populaziun refuormada i'l Grischun
San Gian a Schlarigna sco ün simbol da la cuntrada culturala e religiusa da l'Engiadina

La baselgia evangelica refuormada dal Grischun es la baselgia chantunala dal Grischun. Ella es part da la Federaziun da las baselgias evangelicas da la Svizra. Ella cumpiglia a tuots abitants i’l Grischun chi sun commembers d’üna corporaziun evangelica sül territori dal chantun da la naschentscha davent respectivmaing daspö lur battaisem e chi nun ha declerà lur sortida da la baselgia.

Istorgia[modifitgar | modifitgar il code]

La baselgia deriva dal temp da la refuorma. Las ideas da Martin Luther e da Huldrych Zwingli as derasaivan eir in Grischun chattand ad aderents numerus. Daspö 1537 exista la renomnada sinoda grischuna, illa quala tuots ravarendas dal chantun sun integrats. In cuntrari a tuottas sinodas protestantas ulteriuras sül muond inter nu piglian part ingüns laics. La recepziun tras la sinoda es la cundiziun per pudair avair ün pöst pastoral i'l Grischun.

Organisaziun[modifitgar | modifitgar il code]

Actualmaing (2010) dombra la baselgia var 70'000 commembers in circa 90 corporaziuns evangelicas. L'administraziun da la baselgia ha seis lö a Cuoira illa Loestrasse. Presidenta dal cussagl da baselgia es pel mumaint Lini Sutter, üna giurista da Roveredo.

Medias[modifitgar | modifitgar il code]

Mincha mais cumpara ün'ediziun da la gazetta "reformiert.", la successura dal organ ecclesiastic da plü bod "Bündner Kirchenbote".

Colliaziuns[modifitgar | modifitgar il code]