Fiera di Primiero

Ord Wikipedia
Jump to navigation Jump to search

Fiera di Primiero (per tudestg antruras era Primör) è ina vischnanca taliana cun 534 abitants (1. da schaner 2009) che appartegna a la provinza autonoma da Trento, regiun Trentino-Tirol dal Sid. Il lieu è il center administrativ ed economic da la Valle del Primiero en il Trentino da l'ost.

Geografia[modifitgar | modifitgar il code]

Fiera di Primiero è cun ses 0,15 km² la pli pitschna vischnanca da l'Italia, suandà dad Atrani sin la Costa d'Amalfi cun 0,20 km².

El è situà a 745 m s.l.m. a la sbuccada dal flumin Canali en il Cismon, tenor il qual la Valle del Primiero vegn era numnada Valle del Cismon, al pe da la muntogna Bédolé e la gruppa del Pala. Il lieu sa chatta var 15 km al sid da San Martino di Castrozza e 25 km davent dal Passo Rolle, sur il qual ina strada maina en direcziun Bulsaun resp. Trento. Tras la Val Canali, che s'auza vers l'ost, è il lieu sur il Passo di Cereda collià cun Agordo e tras la Val di Schenèr en il sid cun Feltre en la provinza da Belluno.

Il lieu cunfina cun las vischnacas da Siròr, Tonadico, Transacqua e Mezzano.