Flurin Darms

Ord Wikipedia
Jump to navigation Jump to search
Write.svg Questa pagina è scritta en sursilvan.

El ei naschius ils 13 da november 1918 a Flond. A Turitg ha el studegiau teologia refurmada. Igl onn 1945 era el daventaus plevon dalla sinoda retica. Duront 20 onns era el redactur dil "calender da mintga di". El ha scret differentas ovras.

Ellas lavazzas[modifitgar | modifitgar il code]

Gion Paul e Mengina eran si cuolm avon tegia per parter las lavazzas dil fein. Lavazzas detti in bi tgietschen ella carn piertg, scheva la mumma. La primavera cura ch'els han maridau, era bunamein l'entir vitg envidaus a quella fiasta. Ei han maridau en moda da pli bauld. Il suentermiezdi ha ei dau in grond past e la sera in bal cun musica per giuven e vegl. Mengina era plein ventira e deletg.Suenter las nozzas ein els i a habitar ella habitaziun nova. Mengina spitgava vess sil temps en dus, per saver guder la carezia. Suenter in temps ha ella stuiu cumbatter cun las larmas, perquei che Gion Paul fageva buca stem dad ella e pareva dad haver in problem. Ella fageva tut per ch'ei vegni meglier. Gion Paul denton refusava mintga pusseivladad da discuorer cun sia dunna. El ha adina puspei observau igl uaul. Cura ch'in camutsch era cumparius ha el schau encrescher per la libertad. Mengina ha observau quei ed ha vuliu plidentar el, sin quei ei Gion Paul fugius en tegia. Mengina ha realisau ch'ella ha fatg in sbagl. Ella havess buc astgau schar empermetter el da buca ir a catscha, che fuva sia gronda passiun. Ella ha sepertgisau ed els han s'embratschau in l'auter. Gion Paul fuva puspei libers ed ha saviu ir a catscha. El ha saviu perdunar a sia dunna.

Funtaunas[modifitgar | modifitgar il code]

  • Fontaunas:Deplazas, G., Funtaunas, Istorgia dalla litteratura rumantscha per scola e pievel,tom 4, Lia rumantscha, Cuira, 1993.

Colliaziuns[modifitgar | modifitgar il code]