Fonoteca Naziunala Svizra

Ord Wikipedia
Jump to navigation Jump to search

La Fonoteca Naziunala Svizra è l'archiv sonor da la Svizra. Ella s'occupa, sco la Biblioteca Naziunala dal patrimoni stampà, da la collecziun e da la preservaziun dal patrimoni sonor da noss pajais. Ella è vegnida fundada l'onn 1987 sco fundaziun da dretg privat ed ademplescha en stretga collavuraziun cun la Biblioteca Naziunala Svizra a Berna ina part da las lezias fixadas en la lescha areguard quest'ultima, numnadamain l'artitgel 3 e 4.

La Fonoteca naziunala collecziunescha e cataloghisescha documents sonors che han ina relaziun cun l'istorgia e la cultura da la Svizra, a nivel musical ubain discurrì, uschia per exempel registraziuns da musica (classica, rock, jazz e populara), audiocudeschs, raquints, teaters, intervistas, documents da retschertga (registraziuns al lieu) e collecziuns privatas.

La Fonoteca Naziunala ha in'enorma collecziun da portatuns da tut las epocas.

Colliaziuns[modifitgar | modifitgar il code]

Fonoteca Naziunala Svizra