Funiculera Com-Brunate

Ord Wikipedia
Jump to navigation Jump to search
Write.svg Questa pagina è scritta en puter.

La Funiculera Com-Brunate gnit inaugureda als 1894 e lia la vschinauncha da Brunate a la cited da Com, in Lombardia.

Istorgia[modifitgar | modifitgar il code]

Charrozza da la funiculera clameda BRUco n. 12
Charrozza da la funiculera clameda bruCO n. 13

Fin al cumanzamaint dal 19. tschientiner eira Brunate un lö isolo; als 1817 gnit construida üna senda, chi lia Com a Brunate e zieva la mited dal tschientiner svess gnint contruidas aunchas las duos vias, chi lian tuottadi Brunate a Com e Tavernerio. Ma que nun eira sufficiaint.

La famiglia Bonacossa, chi ho auncha hoz üna villa a Brunate, det l'attacha per fer sü üna funiculera, chi liass Com a Brunate e per fer ir a fin cumplettamaing il stedi d'isolamaint da la vschinauncha.

Zieva main d'ün an da construcziun, als 11 nuvember 1894 gnit inaugureda la Funiculera Com-Brunate, chi gnit beneditta da l'uvas-ch da Milan Andrea Carlo Ferrari.

Zieva quel mumaint cumanzet il turissem a Brunate, eir favuriso dal panorama bellezzas, ch'ün po vzair vi per il viedi culla Funiculera.


Caracteristicas[modifitgar | modifitgar il code]

Las maschinas da Brunate chi faun funcziuner la funiculera

Las staziuns da la funiculera sun in piazza A. De Gasperi a Com ed in piazza A. Bonacossa a Brunate; que sun eir otras duos staziuns: a Com Ota ed a Carescione (fracziun da Brunate). Traunter la staziun da partenza e quella d'arriv sun que var 500 meters, cun üna penta dal 55% in tscherts puncts.

La Funiculera ho be ün binari, cun ün s-chambi a la mited, inua ch'as inscuntran la funiculera chi vo giò cun quella chi vo susöm.

Ils viedis, chi düran 7 minuts, cumanzan a las 6 e vaun a fin a las 22,30 (a las 24 vi pella sted) mincha mezz'ura u mincha quart d'ura, cur ch'ad es bgera glieud.

A mited dal viedi do que l'uschè dit cannone di mezzogiorno ("chanun da mezdi"), chi tuot las mezdis fo fö.