Johannes Martinus

Ord Wikipedia
Jump to navigation Jump to search
In chalender etern (Calendarium perpetuum) che Johannes Martinus ha picturà en in exemplar da sia Philomela.

Johannes Martinus (* 1644 u 1645 a Ramosch; † 1733 a Ramosch) è stà in reverenda svizzer ch'è il pli enconuschent sco autur da la rimnada da chanzuns da baselgia ladinas Philomela.

Vita ed ovra[modifitgar | modifitgar il code]

Joan(nes) Martin, numnà Johannes Martinus (ex Martinis), è naschì il 1644 u 1645 a Ramosch sco figl dal reverenda Martinus ex Martinis da Sent.

Il 1666 è Johannes Martinus vegnì prendì si en la Sinoda retica. Silsuenter ha el predgià durant dus onns a Sent. Suenter la mort da ses bap il 1668 ha el surpiglià sia plazza sco reverenda a Ramosch.

Il 1684 ha Martinus publitgà la Philomela, ina rimnada da chanzuns religiusas e psalms (per part a quatter vuschs) tenor melodias da Johann Wilhelm Simler. La rimnada cuntegna era chanzuns politicas e poesias profanas. Otg da quellas ovras profanas ha scrit ses bap, tranter auter l'enconuschenta Canzun davart la Libertat da nossas trais Ligias.

Colliaziuns[modifitgar | modifitgar il code]