L' alp morta

Questa pagina è scritta en sursilvan.

Ella cuntrada da Tavau schai in' alp, sin la quala crescha strusch ina jarva; ella vegn numnada l'alp morta. Ferton ch'ei crescha odentuorn jarvas e pastg en abundonza. Avon onns habitava sin l'alp morta ina signuna. In di ei in pauper um vegnius speraso e ha rugau ella per aua. La signuna ha denton schau bassegiar el e ha tarmess naven el. Cura ch'il pauper ei curdaus stunclentaus per tiara, ha el scungirau la vendetga dil tschiel sin l'alp alzond ses mauns. E mira, ura per ura ein las jarvas ed il pastg sechentai ed ins vesa aunc oz clar e bein ils cunfins dall'alp morta, nua che la planira secca e smaledida cunfinescha cun las alps fritgeivlas.