La runa
La runa è in'ovra da Cla Biert.
Resumaziun
[modifitgar | modifitgar il code]Il di ha entschiet baud la damaun allas tschintg. Il svegliarin stgalina. Plaunet sa dadesta e leva el. El va avant la fanestra e guarda encunter tschiel. Lez è cuvretgs. Taimp per ir a far fain, avant ch'ei cumenza a plover patratga el - in pur.
Semess sin via patratga e sa damonda el sche ella vegn. Cun ella n'è dentant betg la plievgia mabain Francesca manegiada. Francesca ei si'amur, ma ad el esi cler ch'ella n'è betg cuntanschibla. El cumenza a far fain e svelt ha el gia ensemen bainquant. Anc inaga guarda el vers tschiel. Las nivlas en seratratgas, la plievgia na vegn betg pli - ma ella vegn. Dalunsch vesa el ella a vegnend, auda ella a salidond.
Cur ch'ella è pli manaivel curra ella encunter, metta finalmain la bratscha enturn culiez e dat bitschs ad el. Svelt dumanda ella - per franzos - sch'el charezzi ella. "Gie, gie", era sia risposta. Sinaquai rispunda ella ch'ella charezzi el fitg.
Cunquai ch'ella leva ir a chasa ed el finir da far fain ha ella gidà el da raschlar. Cura ch'els han fatg ina runa ha el cuvritg quella, sinaquai ch'ella damonda il motiv. El declara che quai tegn setg il fain da la plievgia.
Entras quella declaraziun ha ella dumandà schi saja chaud en là e sch'ins possi durmir lien. El raquinta ch'el ha era schon durmì en là e ch'i è chaud. Naturalmain vul ella era far quell'experientscha e suenter ditg ha el detg che quai mondi en urden.
Suenter la tschaina cuminaivla ha el cumenza a preparar lur suttetg. Cunquai che ella ha fraid en là sa ruschna el encunter ella per dar chaud. Duront l'entira notg en els ensemen, maun en maun. La damaun sa dadestan els cun buna luna. Ella cun bia euforia e plaschair.
Maun en maun van els cul fain da la val giu.
Funtaunas
[modifitgar | modifitgar il code]- Deplazes, G., Funtaunas, Istorgia da la litteratura rumantscha per scola e pievel, tom 4, Lia rumantscha, Cuira, 1993