Leza Uffer
Leza Uffer (4 da settember 1912 a Tinizong – 2 d'avust 1982 a Son Gagl) era in scriptur e perscrutader rumantsch.
Biografia[modifitgar | modifitgar il code]
Leza Uffer è naschì ils 4 da septemer 1912 a Tinizong en il Surses sco figl da Giatgen Mitgel Uffer, in scriptur e magister, e dad Anna Sibila naschiada Spinas da Tinizong. El era maridà cun Josy Uffer naschida Hasler.
El ha frequentà il gimnasi a Son Gagl e Sviz. Suenter ha el studegià romanistica ed istorgia d'art a Turitg, Roma, Firenza, Perugia, Genevra e Paris. Il 1939 ha el promivì a l'Universitad da Turtig cun dissertaziun davart la paraula rumantscha cul predicat "magna cum laude". Tranter il 1937 ed il 1978 ha el lavurà sco magister a la Scola chantunala da Son Gagl. Uffer ha er instruì lingua e litteratura rumantscha a l'Universitad da Genevra.
L'onn 1946 ha el fundà la gasetta Igl Grischun Central da la quala el è stà l'editur fin il 1948.
Uffer è l'autur da l'interrumantsch, ina lingua da scrittira rumantscha proponida sin basa da l'idiom surmiran.
Funtaunas[modifitgar | modifitgar il code]
Annalas da la Societad Retorumantscha (1983)
Publicaziuns[modifitgar | modifitgar il code]
- Rosas Melnas (1948)
- Dudisch Sonets toscans (1958)
