Maria Luísa Mendonça

Ord Wikipedia
Jump to navigation Jump to search
Maria Luísa Mendonça

Maria Luísa Mendonça (* 30 da schaner 1970 a Rio de Janeiro) è in actura da teater, televisiun e film brasiliana.

Vita[modifitgar | modifitgar il code]

Maria Luísa Mendonça è la figlia da l'artista figurativa Ligia Mendonça e da l'advocat Newton Mendonça. Ella aveva ina sora pli veglia da num María Fernanda ch'è morta en in accident d'auto cura che Maria Luísa aveva be otg onns.

Ella era maridada cun Rogério Gallo cun il qual ella ha ina figlia, Júlia. La lètg è vegnida divorziada il 2000.

Il 1991 ha l'autura carioca frequentà la scola d'acturs Casa das Artes de Laranjeiras a Rio de Janeiro.

Carriera[modifitgar | modifitgar il code]

Teater[modifitgar | modifitgar il code]

Maria Luísa Mendonça ha entschet sia carriera sin tribuna il 1987 cun la rolla da l'Alaíde en il toc Vestido de Noiva da Nelson Rodrigues. I suandava ina rolla en I giganti della montagna dal dramaticher talian Pirandello. Il 1992 ha ella persunifitgà la Gulietta en Romeo e Giulietta da Shakespeare. Dus onns pli tard ha ella preschentà il monolog Valsa nº 6. L'onn 2003 è Maria Luísa Mendonça turnada sin tribuna èn in toc cun ina durada da tschintg uras, Os Sete Afluentes do Rio Ota (Ils set affluents dal Rio Ota) ed il 2005 era ella a la testa da la producziun dal toc Essa Nossa Juventude (Questa nossa giuventetgna).[1]

Televisiun[modifitgar | modifitgar il code]

Il 1993 ha el gì sia premiera televisiva cun ina rolla fitg particulara. Ella ha giugada l'ermafrodita Buba en la telenovela Renascer sin Rete Globo. Questa rolla l'ha fatga enconuschenta en l'entira Brasilia. I suandavan diversas rollas en autras telenovelas e serias da televisiun.[1]

Film[modifitgar | modifitgar il code]

Il success cinematografic da Maria Luísa Mendonça è vegnì il 1998 cun la producziun argentina Coração Iluminado dal cineast argentino-brasilian Héctor Babenco. Suenter avair giugar diversas rollas en films sco Carandiru, Jogo Subterrâneo e Querô, è ella turnada il 2013 en Argentina. En Habi, A Estrangeira giuga ella la Brasiliana Margarida che, sco la protagonista Habi, emprova da schliar ses dilemmas persunalas.[2]

Colliaziuns[modifitgar | modifitgar il code]

Annotaziuns[modifitgar | modifitgar il code]

  1. 1.0 1.1 Biografia da Maria Luísa Mendonça en il Museo da televisão brasileira (portughes)
  2. Maria Luísa Mendonça revisita a Argentina em “Habi”, 37a Mostra Internacional de Cinema, São Paolo (portughes)