Mario Fargetta

Ord Wikipedia
Jump to navigation Jump to search
Write.svg Questa pagina è scritta en puter.

Mario Fargetta (Lissone, 19 lügl 1962) es ün diskjockey e producent da musica disco taliaun.

La carriera[modifitgar | modifitgar il code]

Già da mat cumanzet Fargetta a fer il diskjockey. Zieva ch'el ho guadagno ün concuors da diskjockey als 1980, cumanzet el a lavurer tar üna pitschna radio da Monza, "Super Antenna".

Als 1986 get Fargetta a lavurer a "Radio Deejay" e bandunet sia carriera da ballapeist amaturiel. Daspö'l 1987 partecipet el als programs "Deejay Time" e "Deejay Parade", ils programs da radio ils pü renumnos dals Ans '90.

Als 1992 prodüt el sia prüma chanzun, The music is movin'; insembel alla sia seguonda platta, Music (nouva versiun da quella da John Miles), da listess an, entret Fargetta illas paradas da hit americaunas ed inglaisas. Oters sieus success füttan Your love (1993), This time (1994) e Midnight (1995).

Als 1998 partecipet el al program televisiv "Italia Unz" da la televisiun taliauna "Italia Uno".

In listess an producet Fargetta, insembel al diskjockey, Alex Farolfi, il proget The Tamperer feat. Maya; quist proget obtgnet ün fich gran success eir a livel internaziunel: la prüma chanzun, Feel it (vegl success dal grüp da müsica Jacksons Five), ragiundschet la prüma posiziun da las plattas vendidas illa Granda Bretagna e la seguonda chanzun, If you buy this record, la terza pusiziun.

Successivamaing fet Fargetta oters chanzuns da sul: traunter quistas, I will rise again (2001), Good times (2002), People on the beat, Shining star (2006) e All I need (2007).

Hoz partecipescha Fargetta a duos programs da "Radio Deejay": "Disco Ball" e "Dance Revolution".

Fargetta scu producent[modifitgar | modifitgar il code]

Fargetta ho cumpro als 2003 trais chesas discograficas da musica disco: la Hands Up, la My Life e la Whim.

La vita priveda[modifitgar | modifitgar il code]

Eir scha el ho glivro da giuver a ballapè a livel amaturiel daspö bger temp, minchataunt giova Fargetta scu ballapeidist in partidas da beneficenza.

Als 2006 maridet el la preschentedra televisiva Federica Panicucci. Il pêr ho duos figls: Sofia e Mattia.