Milo e Simon

Ord Wikipedia
Jump to navigation Jump to search
Edit-clear.svg Quest artitgel u questa secziun ha basegn d'ina repassada. Sche ti t'interesseschas per la tematica, pos ti al repassar e meglierar.

Motiv: clean up & vichifitgar --Andreas 18:32, 18 schaner 2010 (CET)


Write.svg Questa pagina è scritta en sursilvan.

Tgi?[modifitgar | modifitgar il code]

Las figuras principalas dil roman ein Milo e Simon. Ina autra rolla impurtonta gioga denton era Nicole, ils geniturs adoptivs da Milo, Silvana ed Arno ed era ils geniturs da Simon, Martina e Stoffel. Ina fetg speciala figura ei il luv tscherver.

Tgi cun tgi?[modifitgar | modifitgar il code]

Simon e Milo ein buns amitgs. Nicole ei l'amitga da Milo, denton era Simon muossa intress dad ella. Milo ha ina buna relaziun cun sia mumma adoptiva Silvana, ina meins buna denton cun siu bab adoptiv Arno. Lez ha in schliet meini da Nicole, l'amitga zuppada da Milo ed era da Simon tegn el buc bia. Simon ha ina fetg buna relaziun cun ses geniturs, els capeschan bein in l’auter. Ina speciala relaziun ha Simon cul luf tscherver. El ei adina leu, cura che Simon drova empau forza.

Nua?[modifitgar | modifitgar il code]

All'entschatta less jeu situar il liug geograficamein. Ei setracta d'in vitg muntagnard. Jeu situass quei vitg ella Surselva, all'entschatta dalla Cadi. Silla Cadi vegn jeu, perquei che plaids sco «suppia» vegnan avon, tgei ch'ei fetg tipic per la Cadi. Sin quella idea vegn jeu denton era, perquei ch' il viadi entochen il spital cuoza ina ura. Damai ch'ei setracta dil spital cantunal situeschel jeu el a Cuera. In auter motiv che meina mei alla conclusiun che il spital ei a Cuera ei era, che las soras da malsauns ed ils miedis, cun excepziun dad entgins paucs che tschontschan romontsch, discuoran tudestg. Ils loghens el roman ein fetg differents. L'entschatta gioga il roman el vitg muntagnard. Suenter ei era igl uaul in fetg impurtont liug. Il pli liung temps passentan las persunas principalas el spital cantunal. Alla fin ei aunc ina cuorta, denton era impurtonta scena sil plaz scola. En mintgin da quels loghens schabegia enzatgei special ed impurtont per la capientscha dil text.

Cura?[modifitgar | modifitgar il code]

La historia entscheiva ils 19 da december e cuoza ver 6 jamnas. En tgei onn ch'il roman gioga san ins buc dir. Jeu crei che la historia raquenti dad avon ver 5 tochen 10 onns. Damai che giugs da «game boy» eran da quei temps fetg populars. Che quei roman ei buc vegnius screts gia avon ina massa onns muossan era ils temas dil cudisch. Temas che eran pli baul in tabu. Daquels sco bulimia, sectas e sentiments denter giuvenils. El roman dat ei bia scursaniziuns. Damai che ins ha buc aschi ditg da leger el, la historia cuoza denton circa sis jamnas. Ei dat denton scenas che vegnan accentuadas pli fetg ed autras pli pauc.

Tgei?[modifitgar | modifitgar il code]

Simon e Milo s'entaupan e sedecidan da far ina pintga tura cun moped. Egl uaul ha Milo in accident. El ha fetg mal la comba. Simon e Milo han fetg freid e vegnan observai dad in luf tscherver. El schubregia la plaga da Milo cun litgar naven il saung ed aschia era la miarda. La colonna d'agid anfla ils dus giuvens e sgolan immediat cun els el spital cantunal. Leu communicheschan ils miedis ad els dus, mintgin persuls, tgei blessuras ch'els han. Milo ha rut il calun e Simon ha treis dets pei ch'ein schelai aschi fetg, che el sto schar amputar. Ils dus giuvens audan entginas jamnas insumma nuot in da l'auter. In di, suenter in telefon denter Simon e l'amitga da Milo, Nicole, viseta Nicole Simon en spital. Els emprovan dad intervegnir enzatgei da Milo. Nicole va bufatg tras il spital ed damonda in tgirunz sch'el sappi enzatgei da Milo. Mo negin astga dir enzatgei ad ella pertuccont Milo. A Nicole e Simon para quei fetg curios. Denton buc mo Simon e Nicole lain encrescher per Milo mobein era Milo per els dus. Era lez emprova da intervegnir enzatgei da Simon. Pér il di che Simon astga puspei ir a casa, vesa Milo l'emprema ga Simon. El cloma il giuven. Simon semeina e mira anavos. Mo el vesa negin pli, ei denton segirs, che quei era la vusch da Milo. Milo vegn neunavon en sia combra. El damonda la tgirunza tgei che segi schabegiau. Lezza di che el seigi daus da scala giu e segi daus vi da mauls. Mo Milo crei buc quei. Tut vegn endamen ad el. In um ha tschappau el e teniu enzatei avon nas e bucca tochen ch'el ha piars la schientscha. Milo less immediat bandunar il spital. Ad Arno, il bab adoptiv, plai quei insumma buc. Mo il miedi di ch’el tegni buc vinavon Milo en spital, era buc per dapli daners. Milo astga finalmein ir a casa. Avon gl'emprem di che Milo, Simon e Nicole sevesan puspei en scola, smanatscha Arno a Simon e Nicole. El scamonda ad els dus, da era mo tschintschar in plaid cun Milo il proxim di en scola. En scola emprovan Simon e Nicole dad ir orda peis a Milo. Lez enquera denton il discuors cun els. Cura che Arno vesa quei, strai el naven Milo da Simon e Nicole. Simon vegn fetg vilaus, va suenter ad els ed entscheiva a pitgar Arno. Negin sa prender dapart els entochen che la polizia vegn e pren Arno cun ella. Milo envida Simon e Nicole tier el a casa per sclarir la situaziun. Simon ha tema e va avon il discuors egl uaul e viseta il luf tscherver. Cura ch'el ei tier Milo intervegnan Simon e Nicole, che Arno ei en ina secta ed hagi manipulau ils miedis, per che negin hagi contact cun Milo. El leva raps da Simon, perquei che lez, aschia pretenda Arno, seigi la cuolpa, che Milo hagi rut la comba. Simon e Milo ein puspei buns amitgs e Nicole e Milo ein danovamein ensemen.

Lungatg?[modifitgar | modifitgar il code]

Il lungatg ei fetg sempels e da mintga di. La translatura ha scret en in stil fetg giuvenil. Il raquintader ha in lungatg pli ault che las figuras, lezzas tschontschan ualti giuvenil, tgei ch'ei fatg fetg bien dall'autura. Las construcziuns ein plitost cuortas e semplas. Els discuors sent'ins gia fetg neu dil lungatg tgei sentiments che els han. Per exempel en spital, cu Milo ei fetg vilaus. Lu tschontscha el tut auter che cura ch'el ha tema ni ei trests. Ei dat unicamein discuors direct.

Co?[modifitgar | modifitgar il code]

Il raquintader ei extradigetics. El enconuscha las pesunas fetg bein e sa buanmein tut dad ellas. Il bia sa el, co las persunas sesentan. Sulet inaga tier la scena egl uaul di el, che mo Simon sez sappi, con levgiaus ch'el segi. Denter ils capetels midan era savens ils loghens. Inaga discuora il raquintader dil dafar egl uaul, lu puspei dil dafar ella centrala dalla collona d'agid. Ni ch'el raquenta dil spital, inaga ella combra da Simon e lu gest suenter ella combra da Milo. L'autura drova savens era plaids onomatopeics. Sco «pip pip pip» per il schular da l'ura ni «tec dededctec tec tec» per il spluntar vid igl esch. Mieds stilistics vegnan strusch duvrai, damai ch'il cudisch ei ina translaziun e quels ein buc vegni surprendi.

Tgei dat en egl?[modifitgar | modifitgar il code]

A mi plaian special ils temas che l'autura ha duvrau. Quei ei temas ch'eran pli baul tabu, capetan denton avon Preposiziun fetg savens ella realitad. Temas sco sectas ein fetg delicats, damai ch'igl ei fetg special e forsa era grev da descriver, sch'ins enconuscha sez buc ina tala situaziun. Era bulimia ei in grev tema. Mo paucs ughegian da confessar, ch'els ein malsauns. Ni era sco tier Nicole che ha caschunau sezza sia malsogna eis ei fetg grev e forsa era penibel, da confessar aschia enzatgei. El roman vegn mussau, ch‘ins sto mo saver discuorer cun enzatgi davart ses problems, lu san quels era zaco vegni sligiai. Era Arno ch'ei en ina secta discuora cun negin d'ordeifer davart la secta, aschia che negin sa capir ni gidar el.

Tgi cun tgi pli detagliau?[modifitgar | modifitgar il code]

1. Milo e Simon ein buns amitgs. Els han ina fetg buna relaziun in cun l'auter. Milo fida a Simon e raquenta ad el siu secret, da sia amur cun Nicole e tgei ch'ei schabegiau denter els dus la sera da disco. Cura che Milo ei en spital sa el buc capir, daco che Simon dat buc sinsu. Era cun Simon va ei tuttina. Lur amicezia ei aschi ferma ch'ella po resister a tut las intrigas dad Arno, il bab da Milo.


2. Milo e Nicole han era ina fetg buna relaziun. Els han ina relaziun d'amur. Per els ei la differenza dalla vegliadetga buc impurtonta. Milo ha schau encrescher fetg per Nicole duront il temps en spital. Ed era per Nicole era quei temps buc sempels.


3. All'entschatta dil roman havevan Nicole e Simon insumma negina relaziun in cun l'auter. Els enconuschevan mo dil veser. El decuors dalla historia han els adina ina megliera relaziun. Els han schizun ina pintga affera, schegie che Nicole ei ensemen cun Milo. Quella finescha denton spert puspei, cu Nicole vesa puspei Milo. Nicole sa raquintar tut a Simon ed el teidla bugen tgei ch’ella ha da raquintar. Ella raquenta schizun a Simon, ch‘ella va suenter magliar adina sin tualetta a render per ch'ella prendi buc tier e ch'ella sappi buc pli magliar endretg senza render. Entras ils cussegls da Simon ha ella lu era consultau il miedi che ha communicau ad ella ch'ella hagi bulimia.


4. Simon e ses geniturs, Stoffel e Martina, han ina fetg buna relaziun. Ils geniturs teidlan tier cura ch’el ha problems, tgei ch'el vul ni ha bugen. Els sustegnan Simon en tut ils graus.


5. Milo ha ina buna relaziun cun sia mumma adoptiva Silvana. Ella ha fetg bugen Milo ed el ei fetg impurtonts per ella. Quei semuossa cura che Milo ei sparius ed ella fa fetg gronds quitaus. Cun Arno, siu bab adoptiv, ha Milo ina meins buna relaziun. Arno para era buc dad haver fetg bugen Milo. El sevila per mintga piculezza cun Milo. Arno less, che l'amicezia da Milo e Simon ha ina fin. Aschia emprova el cun tuts mieds e tuttas vias da istigiar Milo enviers Simon.


6. Arno ha in fetg schliet meini da Nicole. El di ch'ella seigi ina pitauna dallas vias, damai che el ha udiu, che ella hagi durmiu cun Milo. El less ch'era ella hagi da far nuot pli cun Milo.


7. La relaziun denter Simon ed il luf tscherver ei ina fetg speciala. Il luf tscherver ha ina buna influenza sin Simon. El quietescha Simon e dat ad el nova forza. Mintgaga che Simon drova quella forza enquera el il liug egl uaul, nua ch'el e Milo havevan igl accident. Leu cumpara era il luf tscherver mintgaga, baul ni tard. El ei sco in bien amitg ch’ei adina cun Simon sch’el drova agid e forza. Aschi spert sco Simon ei cuntents e ses problems ein sligiai, svanescha era il luf tscherver. El cumpara la davosa ga ad el, cura che Simon viseta el cun Milo e Nicole. Quei ei sco in segn per il luf tscherver, che tut segi puspei en uorden e ch'el vegn buc pli duvraus da Simon.