Mo aunc in pign mument

Ord Wikipedia
Jump to navigation Jump to search
Write.svg Questa pagina è scritta en sursilvan.

Mo aunc in pign mument ei ina poesia da Sep Mudest Nay, publicada el Tschespet 26 (1947), 157

«Spetga ed hagies pazienzia
Mo aunc in pign mument;
Prest compara l'aurora
E clars vegn il firmament.

Spetga ed hagies pazienzia,
Il brut unviern sto tschessar,
E miedis de spir legria
Van tras las vals tunar.

Spetga ed hagies pazienzia,
Sch'il di ei grevs e stgirs,
Sche tut tias rosas han spinas
E tias notgs suspirs.

Vonzei sur las vals compara
In matg etern, pussent;
Spetga ed hagies pazienzia
Mo aunc in pign mument!»

Funtauna[modifitgar | modifitgar il code]

  • Deplazes, G., Funtaunas, Istorgia da la litteratura rumantscha per scola e pievel, tom4, Lia rumantscha, Cuira, 1993.