Molella

Ord Wikipedia
Jump to navigation Jump to search
Quist artichel es scrit in rumauntsch puter

"Eau fatsch il dj, perque cha que am diverta. Cur cha que finiro da'm divertir, müdaro eau lavur, ma eau nu se fer ünguotta d'oter"
Intervista publicheda sülla revista "GQ" als 2005

Molella, il nom cumplet dal quêl es Maurizio Molella (Monza, 6 november 1964), es ün diskjockey taliaun.
El es ün dals pü renumnos diskjockey da radio e produzent da musica disco a livel internaziunel.

La carriera[modifitgar | modifitgar il code]

Molella cumanzet sia activited a livel amaturiel a quattordesch ans.
Zieva avair piglio'l diplom da dissegnatur mecaniker, cumanzet el a lavurer tar üna pitschna radio priveda, "Radio Country". Daspö'l 1984 fet el il discjockey illas discotecas milanaisas ed als 1986 cumanzet el a lavurer a "Radio Deejay" (fich renumneda radio priveda taliauna), dvantand ün diskjockej bger populer traunter ils giuvens.
Als 1990 cumanzet el sia activited da productur da musica disco; sia prüma chanzun, Je vois, ma'l non vet fich success.
Sia "consecraziun" eir a livel internaziunel gnit als 1991 cun la chanzun Revolution, seguida da Free (1992), Confusion (1993), Originale radicale musicale (1994) e If you wanna party ,insembel a la gruppa da musica americauna The Outhere Brothers (1995).
Intaunt continuet Molella a lavuer a "Radio Deejay", partecipand al program da radio il pü renumno da quel temp, "Deejay Time", traunter il 1991 e'l 1996. Daspö'l 1991 partecipescha eir al program "Megamix" (chi ho nom hoz "Disco Ball") insembel, fin als 2002, ad ün oter renumno diskjockey taliaun, Fargetta.
Scu producent da musica disco contribuet Molella a prodür las chanzuns da la chantadura Gala (dal 1996) e dalla gruppa da musica The Soundlovers, chi vettan fich success eir in Germania.
Molella scrit eir chanzuns publiedas cun sieu nom: With this ring let me go, insembel a Fast Eddie ed als Heaven 17 (1998), Genik (2000), Discotek people e Love lasts forever (2001), T.V.A.B. e Magia (2002), Baby! e The desert of love (2003), Con il nastro rosa, insembel a Gigi D'Agostino (2004), Village groove (2005), Love resurrection (2006), Sharm el Sheick e Desire (2007).
Molella es eir specialiso a transfurmer chanzuns da musica ligera in chanzuns da disco: las pü renumnedas sun Nella notte' (1994) dals 883, Rewind (2001), Ti prendo e ti porto via (2001), Buoni o cattivi (2004) e Cosa vuoi da me (2005) da Vasco Rossi e Ma il cielo è sempre più blu (2003) da Rino Gaetano.

Ils albums[modifitgar | modifitgar il code]

Molella ho publio quatter albums da musica:

  • Originale radicale musicale (1995);
  • Les jeux sont faits (2001);
  • Made in Italy (2004), insembel ad ün cudesch;
  • Molly 4 deejay today (2008).

Ils premis[modifitgar | modifitgar il code]

Als 2002 e 2003 guadagnet Molella il premi "FIMI-Italian music awards" (Premi taliaun da la musica, organiso da la "FIMI", Federaziun da l'industria musical taliauna) scu meglder producent da musica da disco.