Paltoga
Paltoga (russ Палтога) è in vitg russ cun 295 abitants (2002) en il district federal dal nordvest. El appartegna al rajon da Wytegra en l'oblast da Wologda.
Geografia
[modifitgar | modifitgar il code]Paltoga sa chatta var sis kilometers en il sid dal Lai Onega. Tras il lieu maina la strada regiunala R37, che collia Paltoga cun Wytegra, il center dal rajon, che sa chatta 16 kilometers en l'ost.
Istorgia
[modifitgar | modifitgar il code]Il lieu è naschì en sia furma actuala ils 27 da zercladur 2001 entras la fusiun dals suandants vitgs ed aclauns:
|
|
Cun quai ha Paltoga ‹ertà› da Kasakowo ses status sco center administrativ da la vischnanca rurala da Kasakowo (Сельское поселение Казаковское, Selskoje posselenije Kasakowskoje) ed ses code d'OKATO[1][2] (in code da classificaziun sumegliant al numer UST/BFS en Svizra).
Tar la dumbraziun dal pievel dal 2002 en la Russia entira dumbrava Paltoga 295 abitants (135 umens, 160 dunnas), dals quals 99 % eran Russ.[3] La vischnanca rurala da Kasakowo, a la quala appartegnan anc nov auters vitg, ha en tut 524 abitants (14 d'october 2010).
Infrastructura
[modifitgar | modifitgar il code]En il vitg datti ina scola, pliras stizuns, dus puncts da feldscher (Фельдшерско-акушерский пункт) che segireschan il provediment da basa medical, duas bibliotecas e trais instituziuns culturalas.[4]
Ultra da quai datti in santeri cun duas baselgias ortodoxas: la baselgia da l'Epifania (Церковь Богоявления Господня) en lain, ch'è vegnida eregida il 1733,[5] e la baselgia da l'icona da Nossadunna dal segn (Церковь Иконы Божьей Матери Знамение da crap or da l'onn 1810.[6] Damai ch'ella n'è betg vegnida restaurada, è la baselgia da l'Epifania dada ensemen il 2009.[7]
Colliaziuns
[modifitgar | modifitgar il code]- Diversas skizzas dal vitg en perspectiva d'utschè tar Behence
- Galaria da la baselgia da lain en ruina tar TravelVista
- Galaria che mussa ils donns vid omaduas baselgias (en la segunda part da l'entrada)
Annotaziuns
[modifitgar | modifitgar il code]- ↑ Decret dal guvernatur da l'oblast da Wologda: "Об изменениях в административно-территориальном устройстве Вытегорского района" от 27.06.2001 № 620.
- ↑ Закон Вологодской области от 06.12.2004 № 1113-ОЗ Об установлении границ Вытегорского муниципального района, границах и статусе муниципальных образований, входящих в его состав (russ); consultà il 27 da schaner 2012
- ↑ Datas da la dumbraziun dal pievel dal 2002; Tabella 2C. Moscau, Uffizi statal da statistica, 2004. (En la tabella manca il vitg Paltoga. La populaziun dal vitg correspunda a las datas sut Akulowo)
- ↑ La vischnanca rurala da Kasakowo sin la pagina-web uffiziala dal rajon Wytegra (russ); consultà il 27 da schaner 2012
- ↑ Baselgia da l'Epifania tar temples.ru (russ); consultà ils 27 da schaner 2012
- ↑ Baselgia da l'icona da Nossadunna dal segn tar temples.ru (russ); consultà ils 27 da schaner 2012
- ↑ Wiktor Sudarikow: Осколки Руси, Православие и мир, 16 da fanadur 2009 (russ); consultà ils 27 da schaner 2012