Panda grond

Ord Wikipedia
Jump to navigation Jump to search
Write.svg Questa pagina è scritta en surmiran.
Panda grond (Ailuropoda melanoleuca)

Igl panda grond (Ailuropoda melanoleuca), bler numno panda (Pandabär), è en animal lactond. El totga tar la famiglia digls urs (Ursidae) El è er da vaseir segl logo digl WWF ed è symbol pigl schurmetg d'animals. Igl panda grond sez è nia 1939 sot igl schurmetg da nateira. Igl panda grond ò angal en pitschen spazi da veiver an China. Ma tuttegna è el fitg popular. Pi bot ins numnava el er urs da bambus, Bambusbär u Prankenbär.

Igl panda grond so neir 120–150 cm lung (Kopfrumpflänge) e peisa 75–160 kilos.

Vaseir or[modifitgar | modifitgar il code]

La calour principala è alv. Las tgommas èn neiras. Igl neir dallas tgommas davant sa teira anse sur las spatlas, e sa sera scu tar ena tschinta tgi cuata igl corp davant. Neir èn er las ureglias per part la flour ed er parts digl îgl. I para scu tg'igl tgea digl panda seia pi grond e ferm tgi tar oters urs. La colpa è igl òss-giouf (Jochbein) ed las musclas da roir (Kaumuskeln). Scu igls oters urs er on els 42 daints, chels davos èn pi gronds e lartgs.

Spazi da veiver[modifitgar | modifitgar il code]

Igl spazi da veiver digl panda grond, ainten chel tgi veivan angal ple 2500–3000 animals, è angal 5900 kilometers quadrats grond. Igl teritori digl panda sa metta ansemen dallas provinzas Sichuan, Gansu e Shanxi. Lis preferias digl panda grond èn muntognas cun bleras plantas sen ottezas da 2700–4000 m s.m, d'anviern ottezas da 800 m s.m.

Moda da veiver[modifitgar | modifitgar il code]

Igl panda grond veiva sulet. El veiva pitost giumez, ma so nudar e scliviglier stupent. Igl damagler preferia è bambus. Ma la pretensiun tg'igl panda veivan angal da bambus, è fallada. Dasper bambus maglian els er genzianas ed krokuss. Quant vigl tg'igls pandas vignan or an nateira, ins so betg. Igl pi vigl panda ainten en iert zoologic è da visitar an'Austria. El è 34 onns vigl ed ò nom Bao Bao. Igl amprem panda grond tgi è nia tratg se da carstgangs e siva mess or an la nateira è mort gio siv'en onn. El veva nom Xiang Xiang.