Plurilinguitad

Ord Wikipedia
Jump to navigation Jump to search

Esser biling è dapli che be savair duas linguas. L‘educaziun bilingua ha consequenzas educativas, socialas, economicas, culturalas e politicas e porscha plitost avantatgs che disavantatgs.


Sectur educaziun linguistica:


1.) Avantatgs d‘ina educaziun bi- u pluriligua

Ina persuna che sa dapli ch‘ina lingua sa communicar cun pliras persunas e dispona qua tras in pli grond champ d‘experientscha. La plurilinguitad cumpiglia era in avantatg da concurrenza sin la fiera da lavur. Savens sutvalitesch’ins quest aspect economic da linguas minoritaras. La bi- e plurilinguitad porta era avantatgs dal pensar. Uschia enconuschan uffants bilings per mintga object plirs pleds. Els han la pussaivladad da far connexs tranter las linguas e quai sustgen in pensar flexibel e creativ.


2.) Metodas da sustetegnair la bi- u plurilinguitad

I è impurtant ch‘i fa plaschair a l‘uffant d‘emprender linguas. Per che l’uffant possia sviluppar bain sia bi- e plurilinguitad sto el vegnir rinforzà dals geniturs e dals scolasts.


3.) Problematicas e tipics sbagls en l‘educaziun bi- u plurilingua

I è fitg impurtant ch’ils geniturs e scolasts han ina tenuta positiva encunter il linguatg e ch’els porschan a l‘emprendider in clima bainvulent e pretensius. Era dussan els duvrar las linguas en ina moda sistematica uschia che l‘uffant sa bain diffarenziar las linguas. L‘uffant duess era betg perder il plaschair d‘emprender linguas. Quai sa schabegiar sch‘ins insista memia baud sin las furmas correctas. I è era impurtant ch‘ils geniturs ed ils scolasts han bunas cumpetenzas linguisticas.


Sectur linguas e societad:


1.) Minoritads linguisticas

Las minoritads linguisticas sa diffarenzeschan da la lingua dominanta d‘ina pajais. Els dicurerren in‘autra lingua e sa diffarenzieschan savens era puncto cultura ed etnia. Bunamain adina discurran pli paucas persunas la lingua minoritada che la lingua dominanta.


2.) Monolinguitad Dapli che la mesadad da la populaziun mundiala è plurilinga. La monolinguitad è dimena betg uschè derasada sco la plurilinguitad. Sin l‘entir mund vegnan discurrí var 6000 linguas. 270 da quellas linguas vegnan discurrí da 85% da la populaziun. Ins suppona che radund 90% da las 6000 linguas discurridas vegnan svanir ils proxims 100 onns.


3.) L‘englais ina lingua dominanta Bleras persunas oz al di san discurrer englais. Quai ha da far ch‘ils Stadis Unids da l‘America domineschan mumentan il mund economic, politic e militar.


Sectur linguas è tscharvè:


1.) Differenzas dals tscharvès Betg tut ils uffants han las medemas premissas biologicas d‘emprender linguas. Quai dependa da la persunalitad, il talent dal uffant d‘emprender linguas ed era in impurtant factur è in ambient cun ina tenuta positiva encunter la lingua (geniturs, scolasts, amis).


2.) Emprender pliras linguas Ins emprenda ina nova lingua betg a donn d‘ina autra lingua, mobain cun agid da las autras. Betg tut las linguas èn sviluppadas medemas. Quai dependa quant bler che quella lingua vegn duvrada e stimada da las persunas che discurran questa lingua.


3.) L‘intelligenza da persunas bilinguas Differents tests d‘intelligenza han mussà, che persunas bilinguas cuntanschan in medem aut nivel u schizunt meglers resultats tar ils tests d‘intelligenza. Bleras persunas bilinguas han era respundí sin las dumondas sin ina moda pli flexibla ed averta.