Renata Coray
Renata Coray (* 1964) è in'etnologa e retoromanista svizra ch'è sa spezialisada sin temas da la politica linguistica e da la sociologia da la lingua.[1]
Biografia[modifitgar | modifitgar il code]
Renata Coray è creschida si en ina famiglia rumantscha en il chantun Basilea-Champagna.[2] Il 1983 ha ella fatg la matura B a Liestal BL ed il 1986 il patenta da scolast a Cuira. Ella ha studegià etnologia, scienzas da communicaziun e retoromanistica a l'universitad da Friburg ed ha concludì ses studi l'onn 1994 cun il dr. phil. Lura ha Coray lavurà sco collavuratura scientifica, l'emprim, tranter il 1995 ed il 2001, a l'Institut de journalisme et des communications sociales da l'universitad da Friburg e suenter, dal 2002 fin il 2003 tar il Dienst für Sprach- und Kulturgemeinschaften da l'Uffizi federal da cultura a Berna. Dal 2001 fin il 2007 era ella en pli assistenta tar la professura per filologia rumantscha a l'universitad da Turitg.[3] Là ha ella promovì cun la lavur enconuschenta Von der Mumma Romontscha zum Retortenbaby Rumantsch Grischun ch'è cumparida l'onn 2008 en furma da cudesch.[2] Dapi il 2010 lavura ella sco lectura scientifica e docenta vi da la Facoltad filosofica I (rumantsch) da l'universitad da Turitg.[3]
Bibliografia (selecziun)[modifitgar | modifitgar il code]
- Jean Widmer, Renata Coray, Dunya Acklin Muji, Eric Godel: Die Schweizer Sprachenvielfalt im öffentlichen Diskurs. La diversité des langues en Suisse dans le débat public. Bern 2004. In: Zeitschrift für Dialektologie und Linguistik 73 (2006), 372-375.
- Renata Coray: Von der Mumma Romontscha zum Retortenbaby Rumantsch Grischun. Rätoromanische Sprachmythen. cultura alpina, Chur 2008
- Renata Coray, Barbara Strebel: Sprachwelten: Lebensgeschichten aus Graubünden / Munds da linguas: Biografias linguisticas rumantschas. hier + jetzt, Baden 2011
Referenzas[modifitgar | modifitgar il code]
- ↑ Profil da Renata Coray, text sin il viertgel dal cudesch Sprachwelten / Munds da linguas. [cf. prevista, p. 8 (datoteca PDF; 1,64 MB; tudestg)]
- ↑ 2,0 2,1 Profil da Renata Coray, text sin il viertgel dal cudesch Von der Mumma Romontscha zum Retortenbaby Rumantsch Grischun. Rätoromanische Sprachmythen.
- ↑ 3,0 3,1 Curriculum da Renata Coray sin la pagina d'internet da l'universitad da Turitg