Rogeno

Ord Wikipedia
Midar tar: navigaziun, tschertga
Write.svg Questa pagina è scritta en puter.

Rogeno (Rògen in l'idiom dal lö) es üna vschinauncha da 2682 abitants, chi as chatta in Lombardia, Provinza da Lecco.

La vschinauncha[modifitgar | modifitgar il code]

Il territori da la vschinauncha da Rogeno, chi as chatta illa Brianz'Ota, es delimito dal lej da Pusiano a nord, da l'ovel Bevera a suot e dal flüm Lambro ad ovest.

I'l territori as chattan duos grandas fracziuns, situedas süsom duos crastas partidas da la Viafier Com-Molteno-Lecco:

  • Rogeno sülla crasta suot, inua ch'as chattan la chesa cumünela e la baselgia dals Sants Ippolito e Cassiano;
  • Casletto (Caslèt in idiom) sülla crasta nord, inua ch'as chatta la baselgia da San Marc l'Evangelista.

Otras fracziuns[modifitgar | modifitgar il code]

  • Calvenzana, a suot da Rogeno, tar la zona industriela;
  • Maggiolino, ad ovest da Rogeno;
  • Maglio, a l'extremited ovest dal territori cumünel, tar il flüm Lambro.

Persunas renumnedas[modifitgar | modifitgar il code]

A Rogeno sun naschieus ils perdavaunts d'Achille Ratti, chi dvantet papa als 6 favrer 1922 cul nom Pius XI.