Rouge TV

Ord Wikipedia
Jump to navigation Jump to search

Rouge TV [ʀuʒ ˌti:ˈvi:] è in emettur da televisiun da divertiment privat da la Svizra romanda. El appartegna a la gruppa da medias svizra Unicast, proprietaria dals radios Rouge FM e Yes FM sco era da plirs web radios e paginas d'internet.

Istorgia da l'emettur[modifitgar | modifitgar il code]

Rouge TV è vegnì lantschà ils 18 da november 2008 e derasà a l'entschatta en la purschida da basa digitala da la Cablecom en tut ils chantuns romands. Rouge TV è sa profilà sco il chanal da divertiment e musical da la Svizra romanda. El sa drizza a giuvens e giuvens creschids romands.

Programs[modifitgar | modifitgar il code]

Rouge TV sa drizza ad in public en mira tranter 15 e 34 onns. Il program da l'emettur consista dad emissiuns da divertiment e musicals cun temas sco la vita nocturna, film e kino, novitads da musica, animes, performances live d'artists sin la tribuna da l'emettur, documentaziuns da sport extrem, intervistas cun artists sco era videoclips ed emissiuns tematicas da musica.