Saxofon
Il saxofon è in instrument e tutga, auter che ses corp metallic lascha supponer, tar la famiglia dals instruments a flad da lain, damai che ses tun vegn creà cun agid d'ina plattin or da lain.
Istorgia
[modifitgar | modifitgar il code]Il saxofon è vegni inventà dal Beltg Adolphe Sax (atgnamain Antoine Joseph Sax) en l'onn 1840. En sia proposta da patenta argumentescha el sia invenziun cun la mancanza d'in instrument a flad da lain da l'autezza bassa che tuna armonius. L'emprim saxofon da Adolphe Sax era in instrument da bass en C. El concepiva il nov instrument dentant ordavant per las autezzas da vusch da sopran fin subcontrabass.
Il 1929 ha Henri Selmer surpiglià il lavuratori dad Adolphe Sax a Paris e daventava il possessur uffizial da ses dretg da patentas. Ils saxofons da Henri Selmer Paris, oravant tut il Mark VI, han en il fratemp stads da cult e tutgan tar ils products artisanalmain excellents.
Pir cun il success dal Jazz ha il triumf da quest instrument cun ses tuns variabels e si'extensiun dinamica cumenzà. Entant è il saxofon tar la musica da concert e saut in dals instruments populars e blers solists han fundà lur agen band u combo.