Simon Caratsch

Ord Wikipedia
(renvià da Simeon Caratsch)
Simon Caratsch

Simon Caratsch (era Simeon Caratsch; * 25 da matg 1826 a S-chanf; † 27 da favrer 1892 a S-chanf) è stà in poet rumantsch.

Vita[modifitgar | modifitgar il code]

Simon Caratsch è naschì l'onn 1826 a S-chanf. Suenter avair frequentà la scola dal vitg e l'institut Hotz a Thalwil (ZH), è el partì per Modena, nua ch'el ha fatg in emprendissadi en in affar da parents. Durant ina curta dimora en Engiadina il 1864–65 ha Caratsch redigì il Fögl d'Engiadina en il qual el ha publitgà sias poesias. Lura è el sa domicilà a Turin, nua ch'el ha manà ina bieraria. Ils ultims onns da sia vita ha el passentà a S-chanf ed è mort là il 1892.

Ovra[modifitgar | modifitgar il code]

Simon Caratsch ha translatà diversas farsas or dal talian, per part ensemen cun Gian Fadri Caderas. Cun lez ha el er cumponì las cumedias «Il spiert del Piz Bernina ed il landamma d'Engiadina» ed «Ils duos poets». Sias poesias èn cumparidas en dus toms il 1861 ed il 1885 a Turin.

Publicaziuns[modifitgar | modifitgar il code]

Raccoltas da poesias

Funtaunas[modifitgar | modifitgar il code]