Fögl d'Engiadina

Ord Wikipedia
Jump to navigation Jump to search
Fögl d'Engiadina
Foegl d Engiadina.png

Pajais Flag of Switzerland.svg Svizra
Lingua(s) rumantsch puter
Cumpara (mintg'emna)
Gener surtut linguistica e cultura
Data da fundaziun 1857
Emprim'ediziun 01.01.1858
Data da l'ultim numer 1940
Lieu d'ediziun Zuoz (1858–1865),
Samedan (1865–1940)

ISSN -

Il Fögl d'Engiadina è stà ina gasetta da l'emna rumantscha per l'Engiadin'Ota. Ella aveva ina tenuta liberalisanta e la finamira da «tgirar la lingua e la cultura rumantscha, oravant tut quella putera».[1]

Istorgia[modifitgar | modifitgar il code]

Il Fögl d'Engiadina è vegnì fundà l'onn 1857 dals reverendas Nicolo Kirchen, Gian Battista Tramèr e Janett Menni e redigì da Mathias Barblan e Simon Caratsch. Johann Thürr e Peter Caprez eran responsabels per la stamparia a Zuoz. L'emprim numer è cumparì il prim da schaner dal 1858.

Ulteriurs redacturs dal Fögl èn stads tranter auter Peter Conradin, Andreas Rudolf e Florian (von) Planta, Johann Rosius à Porta, Simon Tanner, Giachen Danz, Gian Fadri Caderas, Otto Töndury, Otto Schwarz, Enrico «Rico» Tung, Andrea Vital, Jon Guidon e Robert Ganzoni

Il 1940 ha il Fögl d'Engiadina fusiunà cun la Gazetta Ladina al Fögl Ladin che ha pli tard er incorporà Il Giuven Jauer ed è daventà uschia l'emprima gasetta che provedeva l'entira Engiadina e Val Müstair.

Ediziuns digitalisadas[modifitgar | modifitgar il code]

Il Fögl d'Engiadina è ina da las gasettas – e fin ussa l'unica gasetta rumantscha – ch'èn vegnidas digitalisadas en il project da digitalisaziun da la Biblioteca naziunala svizra. La digitalisaziun è il resultat d'ina cooperaziun tranter la Biblioteca naziunala e la Biblioteca Chantunala dal Grischun. Disponiblas èn las annadas 1887 fin 1939. Dal temp avant il 1887 n'han ins gì avunda numers, uschia che la Biblioteca naziunala ha relaschà in appel da metter a disposiziun singuls numers u entiras annadas da quel temp.[2]

Las annadas 1859, 1860, 1861 (senza ils emprims trais numers) e forsa autras èn disponiblas sin Google Books.

Referenzas[modifitgar | modifitgar il code]

  1. Artitgel «Fögl d'Engiadina» en il Lexicon istoric retic.
  2. Fögl d'Engiadina en la Collecziun digitala da la Biblioteca naziunala svizra] (tudestg, commentari davart la digitalisaziun)

Colliaziuns[modifitgar | modifitgar il code]