Utilisader:Andreas/Plazzals/Slavs dal Molise
Ils Slavs dal Molise (per croat dal Molise Zlav, antiquà er Škavun), era numnà Croats dal Molise (per croat moliški hrvati), èn ina minoritad etnica en la regiun talian Molise. Quella sa chasa prevalentamain en las vischnancas Acquaviva Collecroce (Kruč), Montemitro (Mundimitar) e San Felice del Molise (Stifilić). En las primas duas vischnancas represchentain els la maioritad da la populaziun. (1) I dat var 1'700 pledaders dal croat dal Molise.
En il 18avel e 19avel tschientaner è vegni sminà che ils antenats dals Croats dal Molise dad oz sajan immigrà en il 13avel tschientaner. (2) Sin basa da arguments istoricas e linguisticas sminan ins ozendi che la migraziun succediva enturn l'onn 1500. (3) La cuntrada da l'emigraziun è dispitaivel: La plipart dals perscrutaders crai ch'els vegn da l'Istria (2) auters crain ch'els vegn da la retroterra dalmatina dal territori dal flum Neretva en l'Erzegowina. (4)
Ditg na survegnivan ils Croats dal Molise betg il status da minoritad en Italia e na disponan betg da vehichels da meds da massa - cun l'excepziun dal World Wide Web. (2) Dapi mez da l'onn 1997 è il croat (il croato) renconuschì sco lingua minoritara en la provinza Molise. (6)
La populaziun dals vitgs slavs sa sminuescha da decennis, (5) ina plipart dals Croats dal Molise è emigrada surtut tar l'Argentinia e l'Australia occidentala. (1) Da la vart da la Croazia vegn propagà l'appartegnientscha a la Croatitad (Kroatentum) che vegn acceptà per gronda part a Montemitro, ma che na chatta betg approvaziun ad Acquaviva. (1) Malgrà che en l'onn 1913 è vegnì accentuà sia conservativitad linguistica (7), èn ils Croats dal Molise oz biling e discurran er il talian. (1)
En settember 1884 ha Risto Kovačić, in professer da slavistica da l'Universitad da Roma, retschertgà la communitad slava dal Molise che dumbrava var 4'000 abitants. Kovačić ha scrit ch'ils Croats dal Molise lura duvravan la denominaziun propria "Slavi Serbi", discurrivan in vegl dialect serb e pratitgavan a Nadal l'usit dad arder il Badnjak ch'è tipic per Serbs ortodox. En chasas da Croats dal Molise bainstants sa chattavan purtrets dal retg Milan Obrenović e da sia dunna Natalie, da Petar II. Petrović-Njegoš, Dositej Obradović, Vuk Karadžić e da Branko Radičević. Però discurrivan sulettamain persunas pli veglias la lingua serba. (8)