Utilisader:Mesoscaph/Cudeschs/Giats gronds selvadis/Giat taclà cotschen

Detagls interessants

Il giat taclà cotschen ha in pail d'in tun grischent e flatgs da ruina. Il num da l'animal na sa referescha pia betg a la colur dal pail, mabain a quella dals flatgs.

Il giat taclà cotschen è entaifer la famiglia dals giats la pli pitschna spezia che viva en libertad.

Nua vivan ils giats taclads cotschen?

Ils giats taclads cotschen vivan en l'India dal Sid e sin l'insla Sri Lanka. Sin l'insla prefereschan els ils guauds tropics, en l'India percunter vivan els per il pli en guauds sitgs ed en la steppa. Probablamain eviteschan els en l'India ils guauds tropics, perquai ch'els stuessan uschiglio sa metter en concurrenza cun ils giat-leopards ch'i na dat betg a Sri Lanka.

Co vesan giats taclads cotschen or?

Il giat taclà cotschen è la pli pitschna spezia da giat. El ha be ina lunghezza da 40 cm e paisa circa in e mez fin dus kilograms; el ha ina cua vaira curta da ca. 20 cm. Giats taclads cotschen han ureglias radundas. Sin l'entir dies e da las varts è la colur da lur pail grisch ed ha flatgs da colur da ruina. Ils giats taclads cotschen èn parentads stretgamain cun ils giats-leopard, e perquai sumeglian las duas spezias fitg ina l'autra.

Tge maglian giats taclads cotschen e co tschiffan els lur preda?

Giats taclads cotschen fan la notg chatscha sin ruiders, utschels e luschards. Sch'i sa porscha la pussaivladad, tschiffan els er giaglinom che vegn tegnì da l'uman. Blers umans tegnan plinavant giats taclads cotschen sco animals da chasa, per tschiffar mieurs e ratuns.

Co tiran giats taclads cotschen si lur pitschens?

Giats taclads cotschen pon avair fin trais giattels enina; il pli savens è quai però be in sulet.