Utilisader:Mesoscaph/Cudeschs/Giats gronds selvadis/Leopard

Detagls interessants Leopards èn taclads tras e tras. Sche ti tundessas l'animal, vesessas ti las rosettas sin sia pel. Ma n'emprova pli gugent betg da far quai. En praschunia èn ils leopards ils giats ils pli lunatics. Cumbain ch'els pon esser fitg attaschads, vegnan er savens blessads tgiraders d'animals.

[[Datoteca:.jpg]]

Territori da derasaziun odiern dal leopard (verd stgir, parzialmain verd cler) ed istoric (cotschen)

Il leopard è il pli grond atlet tranter tut ils giats da quest mund. La gronda part dals giats gronds èn tschintg giadas uschè ferms sco in uman da la medema grondezza. Il leopard percunter è set giadas uschè ferm. I dovra trais dals megliers auzapais per sa metter tras en ina concurrenza da trair la sua cunter in leopard d'in pais da 45 kilos. Questa forza impressiunanta sa mussa cur ch'in leopard raiva suenter la chatscha cun in'antilopa creschida en bucca d'ina vart d'ina planta si per pudair magliar en ruaus.

Nua vivan leopards?

Leopards vivan en l'Orient Central, en parts da l'Asia ed en l'Africa. Quai signifitga ch'els vivan en dapli territoris che auters giats gronds. Leopards passentan bler temp sin plantas. Savens dorman els giaschend sin in rom. Els runan schizunt entirs animals da preda sin roms, nua ch'els pon magliar senza che auters animals da rapina emprovian d'engular lur vivonda.

Co vesan leopards or?

Leopard en il Parc naziunal Kruger (Africa dal Sid)

Leopards han per ordinari ina lunghezza da 2 fin 3 m, inclus ina cua da 58 fin 110 cm. Els paisan circa tant sco in uman (30 fin 70 kg). L'autezza da las spatlas munta a 44 fin 78 cm. Leopards feminins cuntanschan per ordinari be ⅔ da la grondezza da leopards masculins.

Il pail dal leopard ha chavels curts ed è glisch. Tut tenor il spazi da viver po quel esser mellen sco il strom, grisch, mellen-ocher u nair. Perquai ch'il pail è pli spess e pli malguliv tar ils flatgs, sa laschan quels sentir tuttina bain sco vesair. Mintga leopard posseda flatgs, schizunt ils leopards ch'èn ‹dal tuttafatg nairs›.

Tge maglian leopards?

In leoprad ha tschiffà in buc

La spaisa preferida dals leopards èn antilopas. Animals pli gronds na pon els sezs betg tschiffar, danor en collavuraziun cun in triep liuns. Els maglian però er animals pli pitschens sco ruiders, lieurs e schizunt gronds insects.

Panter ubain leopard nair?

In leopard sco animal da chasa da Giuliano de’ Medici (15avel tschientaner)

Leopards nairs vegnan magari numnads panters e pli baud pensavan ins che quels furmian in'atgna spezia. Malgrà ch'els èn dal tuttafatg nairs, han els anc adina flatgs nairs ch'èn in pau pli stgirs e che resortan en la glisch clera, entant ch'il fund davos cumpara en in nair pli cler, da purpur.

Co tiran leopards si lur giuvens?

Leopards naschan en letgs dad in fin trais giuvens. Quels bandunan lur dachasa suenter 13 fin 18 mais. Fragliuns, pia pitschens ch'èn naschids ensemen, pon anc restar in pèr mais ensemen, fin ch'els sa separan.