Velile
Velile Mchunu (* 1973 en l'Africa dal Sid)[1], meglier enconuschent sco Velile, è ina chantadura sidafricana. Ella è vegnida enconuschenta tras sia rolla principala en il musical Der König der Löwen e tras sia chanzun Helele per il Campiunadi mundial da ballape 2010.
Biografia
[modifitgar | modifitgar il code]Velile è creschida si en in township da la citad sidafricana Durban ed ha frequentà la scola d'acturs a Johannesburg. L'onn 1999 è ella sa preschentada ensemen cun Stevie Wonder e Michael Jackson en occasiun da l'anniversari da Nelson Mandela. A Hamburg gioga ella dad intgins onns la rolla principala da la schamana Rafiki en il musical Der König der Löwen.[1]
L'onn 2010 è vegnida publitgada la chanzun Helele, chantada en la lingua africana isiZulu. Questa chanzun ha ella registrada en occasiun dal Campiunadi mundial da ballape 2010 ensemen cun il duo da chant danais Safri Duo. La chanzun è cuntegnida tant sin l'album da début da Velile sco era sin l'album dals Greatest Hits dal Safri Duo. L'album da début da Velile cun il num Tales from Africa (rum. raquints ord l'Africa) è cumparì ils 18 da zercladur 2010.
Discografia
[modifitgar | modifitgar il code]Albums
[modifitgar | modifitgar il code]| Onn | Titel | En ils charts [2] | Publicaziun | ||
|---|---|---|---|---|---|
| DE | AT | CH | |||
| 2010 | Tales from Africa | 3 | — | 8 | 18 da zercladur 2010 |
Singels
[modifitgar | modifitgar il code]| Onn | Titel | En ils charts [3] | Publicaziun | Album | ||
|---|---|---|---|---|---|---|
| DE | AT | CH | ||||
| 2010 | Helele (cun Safri Duo) | 3 | 17 | 1 | 28 da matg 2010 | Tales from Africa / Greatest Hits |