Søren Kierkegaard

Ord Wikipedia
Questa pagina è scritta en puter.
ün purtret da Søren Kierkegaard

Søren Kierkegaard (* 5 da meg 1813 a Copenhagen; † 11 da november 1855 a listess lö) d'eira ün danais teolog protestant e scriptur religius e filosofic. El vain considero scu ün antecessur u perfin scu il fundatur da la filosofia d'existenza.

Per la granda part cumpilaiva'l sieus isegs suot pseudonims. S'ingaschand per ün retuorn als origens dal cristianissem, giaiva sia polemica viepü cunter la cristianited da sieu temp ed impustüt cunter ils rapreschantants da la baselgia da stedi in Danemarc scu p.ex. l'ovas-ch Jacob Peter Mynster.

Teologia e filosofia[modifitgar | modifitgar il code]

Sieu adversari principel d'eira il filosof berlinais e penseder dal idealissem tudas-ch Georg Wilhelm Friedrich Hegel. L'imbüttamaint da Kierkegard tunaiva cha'l penser objectivistic ed in sistems totels arteficiels falla la vaira situaziun dal umaun causa ch'ella saja concreta. El svess ho inclet sia operiusited scu scriptur uschè cha'l fo listess scu ün meidi davaunt il let d'ün amalo. Sias scrittüras vöglian esser medicina. Sieu möd da bader e da descriver ils stedis da l'orma antecipescha suvenz ponderaziuns da la psicologia moderna.

Ouvras (üna tscherna)[modifitgar | modifitgar il code]

  • Über den Begriff der Ironie. Mit ständiger Rücksicht auf Sokrates (Magisterdissertation) = Davart la noziun da l'ironia. Cun resguard permanent sün Socrates (dissertaziun da magister 1841)
  • Entweder – Oder I/II = l'ün u l'oter I/II (1843) (text digitaliso)
  • Furcht und Zittern = temma e trembler (1843)
  • Philosophische Brocken = buchedas filosoficas (1844)
  • Der Begriff Angst = la noziun temma (1844)
  • Die Taten der Liebe. Etliche christliche Erwägungen in Form von Reden = las acziuns da l'amur. Multifarias ponderaziuns cristiaunas in fuorma da discuors (1847)
  • Christliche Reden = discuors cristiauns (1848)
  • Die Krankheit zum Tode = la malatia vers la mort (1849)
  • Einübung im Christentum = exercitaziuns aint il cristianissem, (prüma ediziun 1850, seguonda ed. 1855)
  • Über meine Wirksamkeit als Schriftsteller = Davart mia efficacited scu scriptur (1851)
  • Zwei Reden beim Altargang am Freitag = duos discuors in occasiun dal ir tal uter in venderdi (1851)
  • Der Augenblick = il batterdögl (1855)
  • Gottes Unveränderlichkeit. Eine Rede = L'invariabilted da Dieu. Ün discuors (1855)

Colliaziuns[modifitgar | modifitgar il code]