Siegbert Stehmann
|
Quist artichel es scrit in rumauntsch puter
|
Siegbert Stehmann (*9 d‘avrigl 1912 a Berlin; † 18. Januar 1945 sper Nida in Lituania) d’eira ün ravarenda e poet tudas-ch evangelic.
Cuntegn |
[modifitgar] Vita
Siegbert Stehmann creschaiva sü a Berlin ed absolvaiva la matura al gimnasi a la clostra grischa. El faiva sieus stüdis teologics a las universiteds da Berlin ed a Tübingen. Zieva cha'ls naziunelsocialists vaivan surtut la pussaunza in Germania dal 1933 e pruvaivan d'influenzar eir la baselgia evangelica, s'ho'l scrit aint scu commember da la Baselgia confessaunta. Illa seguonda guerra mundiela cumbattaiva'l scu sudo da l'armeda tudes-cha, l’uscheditta Wehrmacht, in Finlanda, in Bessarabia e finelmaing in Lituania innua ch'el moura düraunt ün'offensiva da l'armeda cotschna in schner dal 1945.
[modifitgar] Perscrutaziun
A maunchan davart Stehmann fin hozindi retscherchas scientificas. Marion Heide-Münnich publichaiva dal 2003 üna lavur chi's mouva sül cunfin da teologia e scienza da litteratura. Daspö l'eted dal 2011 doctorescha il ravarenda da Puntraschigna, David Last, tar Johannes von Lüpke, professur per teologia sistematica a la Scoula ota ecclesiastica da Wuppertal e Bethel, cun üna perscrutaziun chi tratta da dumandas linguisticas da l'ouvra da Stehmann.
[modifitgar] Ouvras
[modifitgar] Ouvras singulas (düraunt sia vita)
- Hirtenspiel (poesias), 1935
- Geistlicher Kreis (poesias), 1937
- Lied und Bekenntnis (contribuziun per il cudesch festiv in occasiun dal 60evel anniversari da Rudolf Alexander Schröder), 1937
- Abgesang (poesia), in: Eckart 13/1937, pag. 464
- Die sieben Sendschreiben (üna poesia spirituela, dedicheda a Rudolf Alexander Schröder), 1939
- Wache am Mjösa (poesia), in: Eckart 16/1940, pag. 240
- Feldweihnacht (poesia), in: Eckart 16/1940, pag. 319
- Das halte fest - Ein Weggeleit aus Gottes Wort. Ausgelegt von Rudolf Alexander Schröder, Jochen Klepper und Siegbert Stehmann, 1940
- Der Pfarrerspiegel (ed. da Siegbert Stehmann), 1940
- Finnland 1941 (tschinch poesias), in: Eckart 17/1941, pag. 195-196
[modifitgar] Ouvras singulas (publichedas zieva sia mort)
- Bin tief in der Erde... Gen Abend (poesias), in: Lob aus der Tiefe. Junge geistliche Dichtung (= Lod our da la profundited. Giuvna poesia spirituela), Göttingen 1947, pag.102-104
[modifitgar] Ouvras collectivas (zieva sia mort)
- Opfer und Wandlung, Witten e Berlin 1951
- Brennende Jahre. Gedichte, Prosa, Tagebücher, prüma ediziun Witten e Berlin 1964; seguonda ediziun transfurmeda Bielefeld 1983
- Die Bitternis verschweigen wir. Feldpostbriefe 1940-1945, ed. da Gerhard Sprenger, Hannover 1992
[modifitgar] Litteratura
- Marion Heide-Münnich: Siegbert Stehmann: media in vita - media in morte; ein Beitrag zur Dichtung Siegbert Stehmanns aus den Jahren 1939 bis 1945. Hamburg: Kovač 2003 (Schriften zur Literaturgeschichte ; tom 5) ISBN 3-8300-0905-4
