Telesguard

Ord la Wikipedia

Il Telesguard è ina emissiun d'infurmaziun che vegn producida da la Televisiun Rumantscha (TvR) per las rumantschas ed il rumantschs. L’emissiun tracta temas actuals e temas che han in connex cun la Rumantschia u cun il pievel rumantsch. La Televisiun Rumantscha tutga tar l’unitad d’interpresa da la Societad Svizra da Radio e Televisiun che sa numna Radio e Televisiun Rumantscha (RTR). L’emissiun vegn emessa da glindesdi fin sonda enturn las 17.40 live dal studio da la Televisiun Rumantscha a Cuira.

[editar] Diffusiun

Il Telesguard vegn emess sin ils emetturs SF1, RSI LA2 ed SF info. Grazia a la diffusiun sin SF info è il Telesguard era disponibel en l’entira Europa via il satellit Hotbird. SF info è l'unic chanal da la SRG SSR idée suisse ch’ins derasà via satellit nuncodà.

[editar] Istorgia

Ils 5 da favrer 1980 vegn l’emissiun Telesguard emessa per l’emprima giada. Ina giada per emna vegniva il pievel rumantsch infurmà en rumantsch durant 10 minutas. 1995 han ins lura schlargià il temp d’emissiun sin 15 minutas. 1998 hai lura dà in’ulteriura midada. La Televisiun Rumantscha producescha il Telesguard a Cuira empè da Turitg. Intgins onns pli tard vegn la frequenza dal Telesguard auzada. Davent da Pasca 1994 na vegn il Telesguard betg mo emess la sonda, mabain il glindesdi, la mesemna ed il venderdi a las 18.50 e quai durant 6 minutas. Mintga lavurdi Telesguard hai lura gì num l’onn 1999. Dapi l’onn 2005 datti il Telesguard sco quai che nus enconuschain ozendi el. Dal glindesdi fin la sonda a las 17.45. Era il temp d’emissiun è daventà pli lung. Almain 10 minutas metta la Televisiun Svizra a disposiziun per l’emissiun d’infurmaziun rumantscha. Suenter che Radio e Televisiun Rumantscha han midà chasa ils 6 da zercladur 2006 ed èn era tuts sut in sulet tetg, vegn il Telesguard emess live or dal studio a Cuira

[editar] Colliaziuns

• Radio e Televisiun Rumantscha

SRG SSR idée suisse
Radio					Televisiun						Varia
SR DRS	RSR	RSI	RTR	SSatR	SF	TSR	TSI	TvR	Auter	Partner	Filialas
DRS 1 DRS 2 DRS 3 DRS Musigwälle Virus DRS 4 News	La Première Espace 2 Couleur 3 Option Musique World Radio Switzerland	Rete Uno Rete Due Rete Tre	Radio Rumantsch	Radio Swiss Pop Radio Swiss Jazz Radio Swiss Classic Radio Svizzera Classica	SF 1 SF zwei SF info	TSR 1 TSR 2 tsrinfo	TSI 1 TSI 2	Telesguard Cuntrasts Istorgia da buna notg Controvers In Pled sin via	HD Suisse	TV5MONDE 3sat EuroNews arte	Swissinfo SwissTXT Publisuisse Publica Data tpc Telvetia S.A.