Abraham

Questa pagina è scritta en puter.

Abraham taidla l'impromischiun divina cha sia descendeza saja numerusa e la lia e la benedicziun da Dieu valan per etern

Ouvra dal pittur ollandais Rembrandt van Rijn: L'aungel impedischa l'offerta d'Isaac

Abraham (inrumantscho minchataunt eir Abraam) es üna figüra preistorica e vala cun sieu figl Isaac e sieu abiedi Jacob per il archbap dal bös-ch genealogic dal pövel Israel.

Abraham i'l Vegl Testamaint

Il Vegl Testamaint respectivmaing la Tora raquinta i'ls chapitels 11-25 dal prüm cudesch da Mose (Genesis) l'istorgia d'Abraham. El ho oriundamaing nom Abram, per lingua hebraica Avram, que voul dir "il bap es elevo". Dieu svess chaschunescha üna müdeda ed al nomna Abraham che significha "bap da bgers".

Vita

In l'eted da 75 ans es Abraham ieu da Harran davent a ster in Canaan. El segua lotiers ün cumand da Dieu ("Vo in ün pajais ch'eau at muossaro") e dvainta uschè il simbol per üna fiduzcha absoluta ed üna cretta chi as collia vi da l'impromischiun divina.

Abraham vaiva duos figls: Ismail genuieu cun sia famaglia Hagar düraunt il temp, cur cha sia muglier Sara d'eira infrüttaivla, e Jacob chi vain nat da Sara scu duonna attempeda.

Recepziun illas religiuns

Tuottas trais religiuns monoteisticas: giudaissem, cristianissem (amenduos sur la lingia da Jacob) ed islam (tres la derivanza d'Ismail) cugnuoschan e venereschan ad Abraham. Dimena vegnan ellas nomnedas eir religiuns abrahamiticas.

Litteratura

• Christfried Böttrich traunter oter (editur), Abraham. In Judentum, Christentum und Islam (= Abraham. In giudaissem, cristianissem ed islam), Göttingen 2009, ISBN 978-3-525-63398-4

Colliaziuns

• Abraham i'l lexicon ecumenic da senchs