Baselgia catolica romana

Ord Wikipedia
Questa pagina è scritta en puter.
Il dom da San Peder i'l Vatican a Roma scu il center dal catolicissem mundiel
La comuniun a buocha - deda tres ün preir, e be il paun, na il chalsch - düraunt l'eucaristia scu ün segn da la baselgia catolica romauna (purtret illa baselgia San Carlo a Milaun)

La baselgia catolica romauna (in rumauntsch grischun baselgia catolica romana u baselgia roman-catolica), es la confessiun la pü granda infra il cristianissem e cumpiglia arduond 1,8 milliards aderents sül muond inter.

Structuras[modifitgar | modifitgar il code]

La baselgia catolica romauna as basa sün üna ierarchia stricta chi vo da suringiò: da Gesu Crist svessa artschaiva il papa sia pussaunza, ils uvais-chs dal papa ed ils preirs darcho dals ovais-chs.

Simon Petrus vela illa tradiziun per il prüm papa, e cun el cumainza la suczessiun apostolica. Dimena as chatta eir il center dal catolizissem fin hozindi a Roma scu al lö da la mort da martir da Petrus.

Dals clerikers sun separos ils uschedits laics.

Sacramaints[modifitgar | modifitgar il code]

La doctrina da la baselgia disferenzchescha set sacramaints:

  • il battaisem
  • la craisma
  • il matrimoni
  • l'ordinaziun al preir
  • la penitenza
  • la Sencha Tschaina
  • l'uncziun dals amalos e dals muribunds

Litteratura[modifitgar | modifitgar il code]

  • Medard Kehl: Die Kirche. Eine katholische Ekklesiologie (= La baselgia. Üna ecclesiologia catolica), Würzburg 2001; ISBN 3-429-01454-9.
  • Hans Küng: Kleine Geschichte der katholischen Kirche (= Istorgetta da la baselgia catolica), Berlin 2002; ISBN 3-442-76039-9.

Colliaziuns[modifitgar | modifitgar il code]