Brinzauls

Ord Wikipedia
(renvià da Brienz/Brinzauls)
Midar tar: navigaziun, tschertga
Page d'aide sur l'homonymie Questa pagina è scritta en surmiran.
Brinzauls
Brienz Brinzauls wappen.svg
Brienz-Brinzauls Dorf.jpg
Brinzauls
Administraziun
Chantun Grischun
District Alvra
Circul Belfort
Lingua(s) rumantsch
Numer postal 7084
Geografia
Autezza 1'144 m s. m.
Surfatscha 13.37 km²
Coordinatas 46° 40′ N 9° 36′ O
Demografia
Populaziun 111 (31. December 2006)
Karte Gemeinde Brienz Brinzauls.png
[http:// Pagina-web uffiziala]

Brinzauls (uffizialmein: Brienz/Brinzauls) è ina vischnanca politica en il chantun Grischun en Svizra.

Geografia[modifitgar | modifitgar il code]

Igl cumegn da Brinzauls consista or dallas dus vischnanchettas Brinzauls ved la veia Lantsch-Tavo ed Vazarouls sper la veia digl Gelgia Lantsch-Casti da vart dretga dalla Val Alvra sen la costa digl Piz Linard (2768 m s.m.) Igl territori sa restrenscha digls binaris dalla viafier tranter Casti e Surava anfignen segl Corn da Lantsch (2906 m s.m.).

Er sen territori digl cumegn sa tgatta la ruigna da Belfort.

La vischnanca Brinzauls e situeida sen “igl Rutsch”, ena costa cun tarratsch instabil tgi sa muainta mintg’onn par en per cm cunter la val.

Sur igl rutsch sa tgattan las aclas da Pigni, Propissi Sot, Propissi Saura, Schautschen, Ruoinas ed Hetta da las Nuarsas L’Alp Manuir pitescha da mancanza d’ava e so angal gneida cargeda cun nursas. Igl cumegn da Brinzauls posseda er alps ad Altein sen territori da Tein (oz Tavo).

Istorgia[modifitgar | modifitgar il code]

Brinzauls era prubabel gio abito digl taimp digls romans. Menziuno per l’amprema geda anturn igl onn 840. Lantsch, Brinzauls e Surava furmavan la dartgeira “Belfort dafora”. Anfignen 1883 tutgeva Surava politicamantg tar Brinzauls. La notg digls 30 segls 31 da marz 1874 ò en fia destruia la baselgia ed 24 dallas 37 tgesas.

Lung taimp valeva Vazarouls scu igl “Rütli grischunes”, parchegl tgi las Treis leias seian a co sa uneidas. La scienza moderna sbatta pero chela thesa.

Populaziun[modifitgar | modifitgar il code]

Brinzauls è oz ena vischnanca bilingua. La scola vign pero anc adegna manada an rumantsch, an en consorzi ansemmen cun Lantsch. Igl dialect da Brinzauls e fitg sumiglant a chel da Lantsch.

Igl surnom digls abitands da Brinzauls è “igls tgirauels”.

Literatura[modifitgar | modifitgar il code]

  • Kaspar Egli: Die Landschaft Belfort im mittleren Albulatal, Geographisches Institut der Universität Basel, 1978

Colliaziuns[modifitgar | modifitgar il code]

Commons
Commons: Brienz/Brinzauls – Collecziun da maletgs, videos e datotecas d'audio