Cavardiras
|
Questa pagina è scritta en sursilvan. |
Cavardiras ei in vitget, che schai el Grischun, Svizra. El schai sin ina platta da crap visavi Mustér. Contonschibels ei quei vitget sur duas vias, ina meina da Mustér sur Brulf a Cavardiras, e l'autra meina naven dalla "Punt Gronda" giu Pardomat si a Cavardiras. Mintga via cuoza ca. 7 minutas.
Politica[modifitgar | modifitgar il code]
Politicamein s'auda Cavardiras tier la vischnaunca da Mustér.
Turissem[modifitgar | modifitgar il code]
La stad fan biars velocipedists turas sur Cavardiras, e biars viandeschan atras Cavardiras. Igl unviern vegnan il turists a habitar a Cavardiras per ir a Mustér cun Skis. Ei exista mo ina pintga ustria a Cavardiras, il Pign Padua.
Baselgia[modifitgar | modifitgar il code]
Gia da lunsch ei la baselgia da Cavardiras vesibla, cunquei ch'ella ei vegnida eregida agl ur dil vitg odem il crest. Ella ei dedicada a s. Antoni da Padua.
Habitonts[modifitgar | modifitgar il code]
Cavardiras ha ina populaziun da pressapauc 40 habitonts.
Caracteristica, Specialitads[modifitgar | modifitgar il code]
Il vitg ei tipics per in vitg muntagnard cun sias biaras casas purilas e ses clavaus.