Dollar american

Ord Wikipedia
Midar tar: navigaziun, tschertga
Bancnota d'in dollar, recto (vart davos) e verso (vart davant).

Il dollar dals Stadis Unids (engl. United States Dollar, ISO: USD, simbol: $), il pli savens numnà dollar american, è la valuta ufficiala dals Stadis Unids. Il dollar american è era vegnì adaptà sco med da pajament ufficial e legal dad intgins auters stadis e territoris, tranter quels Bonaire, las Inslas Virginas Britannicas, Ecuador, El Salvador, Liberia, las Inslas da Marshall, Micronesia, Timor da l'Ost, Palau, Panama, Saba, Simbabwe, Sint Eustatius e las Inslas Turks e Caicos.

In dollar vegn ufficialmain sutdividì en 10 dimes, 100 cents (simbol: ¢) u 1000 mills (simbol: ₥). Causa la colur verda da las bancnotas vegn il dollar en la lingua dal mintgadi er numnà «greenback». In auter surnum è «buck». Las bancnotas vegnan stampadas dal Bureau of Engraving and Printing e las munaidas vegnan battidas da la United States Mint. Il dollar è libramain convertibel.