Dumeni Capeder

Ord Wikipedia
Jump to navigation Jump to search
Write.svg Questa pagina è scritta en sursilvan.

Dumeni Capeder (* 1 da matg 1934 a Trun) ei in scrivent romontsch.

Veta[modifitgar | modifitgar il code]

El ei naschius ils 1 da matg 1934 sco fegl vegl da Maria e Gaudenz Capeder-Poltera a Trun. Maria e Gaudenz Capeder-Poltera ein oriundamein dalla Val Tujetsch.

Dumeni Capeder ha aunc in frar, Andreas, ed ina sora, Anna Maria.

El ha frequentau las scolas dil vitg da Trun. Siu giavisch era da saver frequentar la scola media da traffic a S.Gagl. Per insumma saver far quella scola ha el stuiu ir a gudignar raps, cunquei che siu bab saveva, sco luvrer da fabrica, buca finanziar il studi. Suenter quater sesiuns ella hottellaria ha el saviu finanziar ed aschia era frequentar la scola media da traffic duront 2½ onns per lu far il diplom da funcziunari dalla PTT. Ils davos 16 onns da sia carriera tier la PTT ha el luvrau sco funcziunari principal alla direcziun generala a Berna. El ei uss pensiunaus.

Dapi ils onns 1960 ei Dumeni Capeder correspondent regular dalla "Gasetta Romontscha / La Quotidiana" e dil "Calender Romontsch".

Cun 24 ha el maridau Heidi Buchli e fundau ina famiglia cun treis affons. Pli trad ei la famiglia, ella patria tschernida Lucerna, s’engrondida per sis biadis, dils quals in ha bandunau la veta pervia d’ in accident tragic.

Ovra[modifitgar | modifitgar il code]

Las ovras da Dumeni Capeder sebasan per gronda part sin experientschas da sia veta.

L’inspiraziun per siu cudisch La porta dalla libertad ha el survegniu sco directur dalla partiziun dils fugitivs tier la Caritas svizra a Lucerna duront l’acziun dil Vietnam, Cambodscha e Laos da 1979 a 1982. Leu ha el fatg l’enconuschientscha cun biars fugitivs vietnames che han raquintau ad el lur fuigia sco "boatpeople" via Malaisia tochen en Svizra. Sin fundament da quellas raquintaziuns ei il roman vegnius screts e silsuenter edius anno ’84.

Distincziuns[modifitgar | modifitgar il code]

En sia carriera sco scribent ha el gia retschiert entgins premis sco per exempel il premi da promoziun dall’Uniun da scripturas e scripturs romontschs ULR, sco ina contribuziun ad in’ovra dalla PRO HELVETIA. Quei onn ha el retschiert la Plema d’aur dalla Lia Rumantscha Surselva.

Colliaziuns[modifitgar | modifitgar il code]