Dwight D. Eisenhower

Ord Wikipedia
Dwight David Eisenhower (1956)

Dwight David Eisenhower (* 14-10-1890; † 28-3-1969) è stà president dals Stadis Unids da l'America durant ils onns 1953 enfin 1961. Republican, naschì a Texas, creschì si a Abilene, Kansas. Militar da professiun cun instrucziun a Westpoint, ha fatsch servetsch sut ils generals Pershing e MacArthur. Capocumandant da las forzas armadas alliadas tar la sbartgada en l'Africa dal nord l'onn 1942 e tar l'invasiun en la Normandia l'onn 1944. Suenter la guerra è el stà president da la Columbia University e l'onn 1951 capocumandant da las truppas da la Nato. Durant sias duas duradas d'uffizi ha el empruvà da sminuir las tensiuns en la guerra fraida: i ha dà l'armistizi en la Corea ed il contract davart la neutralitad da l'Austria. Per cuntanscher la «desegregation» da las scolas, ha el tramess truppas a Little Rock, Arkansas.