John Fitzgerald Kennedy

Ord Wikipedia
John Fitzgerald Kennedy
John Fitzgerald Kennedy
Titul: 35avel president
Temp d'uffizi: 20 da schaner 1961 -
22 da november 1963
Predecessur: Dwight D. Eisenhower
Data da naschientcha: 29 da matg 1917
Lieu da naschientscha: Brookline, Massachusetts
Dunna: Jacqueline Lee Bouvier
Professiun: Politicher
Partida politica: Partida democrata
Vicepresident: Lyndon Johnson


John Fitzgerald Kennedy u John F. Kennedy (* 29 da matg 1917; † 22 da november 1963) è stà durant ils onns 1961 enfin 1963 il 35avel president dals Stadis Unids da l'America. El era in democrat da Massachusetts. Deriva d'ina famiglia ritga cun ragischs en l'Irlandia. Servetsch militar en la marina durant la Segunda guerra mundiala. Deputà al congress, durant ils onns 1953 enfin 1960 senatur per Massachusetts. L'onn 1960 è el vegnì elegì per pauc sco president enstagl da Nixon. John F. Kennedy era l'emprim president catolic, e cunquai ch'el aveva l'onn da si'entrada en uffizi be 43 onns, era el il pli giuven president ch'ils USA han gì enfin ussa. La politica exteriura era dominada dal cumbat da pussanza cun l'Uniun sovietica: construcziun dal mir da Berlin, crisa cun las rachetas enturn Cuba, tramess per la prima giada truppas en il Vietnam dal sid. En la politica da l'intern è el vegnì confruntà pli e pli cun conflicts da razza. Kennedy è vegnì assassinà durant ina visita a Dallas en Texas l'onn 1963.