Eroport da Tan Son Nhat

Ord Wikipedia
Midar tar: navigaziun, tschertga
L'eroport da Tan Son Nhat

L'eroport internaziunal da Tan Son Nhat è il pli grond eroport internaziunal dal Vietnam. El sa chatta a Ho Chi Minh en il sid dal pajais. Ses code IATA, SGN, è vegnì derivà da l'anteriur num da la citad, Saigon. L'onn 2010 han var 18 milliuns persunas utilisà l'eroport. Quai èn ca. 250% dapli che l'onn 2005.

Istorgia[modifitgar | modifitgar il code]

L'eroport da Tan Son Nhat ha ses origins a l'entschatta dals onns 1930, cura che l'administraziun coloniala franzosa ha bejagià ina pitschna plazza aviatica cun ina pista da partenza ed atterrament betg francada, ch'aveva num Son Nhut Airfield tenor il vitg vischin Tân Sơn Nhất u Tân Sơn Nhứt. Cun il sustegn da l'Agid per l'exteriur dals USA han ins bajegià mez 1956 ina pista da partenza cun 2190 meters lunghezza; da quai è sa sviluppà l'eroport internaziunal dal Vietnam dal Sid. Durant la Guerra dal Vietnam era la Tan Son Nhut Air Base in punct da colliament impurtant tant per il Stadis Unids sco per l'Aviatica militara dal Vietnam dal Sid (VNAF). Avant il 1975 era l'eroport da Tan Son Nhat in dals puncts da sustegn aviatics ils pli frequentads dal mund.

Suenter il declin da Saigon era la United Airlines l'emprima societad aviatica americana che ha sgulà a Vietnam. UA-869 (Boeing 747-400) ha atterrà a Ho Chi Minh, quai sco extensiun da la ruta existenta tranter San Francisco e Hongkong.

Societads aviaticas[modifitgar | modifitgar il code]

L'eroport serva sco basa operativa tranter auter per Air Mekong e Jetstar Pacific. Plinavant è el in hub da Vietnam Airlines.

L'eroport vegn servì tranter auter da las suandantas societads aviaticas:

Destinaziuns[modifitgar | modifitgar il code]

Colliaziuns da vitgira aviatica[modifitgar | modifitgar il code]

Il nov terminal internaziunal[modifitgar | modifitgar il code]

Il nov terminal internaziunal è vegnì bajegià dapi il 2005 d'in consorzi da quatter cumissiunaris giapunais (KTOM). Il capital investà munta già a 260 milliuns dollars americans, promovì da l'Agid da svilup dal Giapun.