Giustificaziun (teologia)

Ord Wikipedia
Jump to navigation Jump to search
Write.svg Questa pagina è scritta en puter.
Il retuorn dal figl pers seguond ün purtret da Rembrandt scu üna illustraziun dal impassamaint cha Dieu güstifichescha al pechader

Güstificaziun (per rumauntsch grischun giustificaziun) es la noziun centrela da la teologia sistematica dal protestantissem e la doctrina la pü importanta dals refurmatuors, impustüt da Martin Luther ed - üna generaziun pü tarda - da Johannes Calvin. Quista doctrina chaschunaiva eir la seperaziun da la baselgia occidentela in ün'ela dal protestantissem ed üna da la baselgia catolica romauna.

Cuntgnieu[modifitgar | modifitgar il code]

Tenor la doctrina evangelica es la güstificaziun ün fer chi'd es da localiser tuottafat da la vart da Dieu. Dieu svess agischa e proclamescha cha l'umaun es liber da pcho, mort e diavel schabain cha l'istess l'umaun viva auncha suot la forza da quistas pussaunzas destructivas. L'absoluziun da Dieu capita in vista a la vita, il patir, la mort e la resüstaunza da Gesu Crist chi muossaiva in sia persuna ad ün umaun chi merita il nom umaun scu unic.

La güstificaziun es üna acziun linguistica. La forza dal pled divin müda la realted e creescha qualchosa nouv (analogmaing a e congualabel cun la creaziun al principi cu cha il cudesch biblic da Genesis raquinta).

Cunvegna traunter las confessiuns ?[modifitgar | modifitgar il code]

Al di da refuorma da l'an 1999 suottascrivaivan rapreschantants da la baselgia evangelica in Germania e da la baselgia catolica romauna ün documaint cumünaivel, i'l quêl els decleraivan cha las differenzchas dal temp da refurmaziun e cuntrarefurma nu sajan valablas da quinderinavaunt. Cunter quista decleraziun s'aduzaiva protest energic da la vart da numerus professuors da teologia evangelica.

Litteratura[modifitgar | modifitgar il code]

  • Wenzel Lohff/Christian Walter: Rechtfertigung im neuzeitlichen Lebenszusammenhang. Studien zur Interpretation der Rechtfertigungslehre, (= Güstificaziun i'l connex da la vita da temp modern. Stüdis davart l'interpretaziun da la doctrina da güstificaziun), Gütersloh 1974
  • Wilfried Härle/Eilert Herms: Rechtfertigung. Das Wirklichkeitsverständnis des christlichen Glaubens (= Güstificaziun. L'incletta da realted da la cretta cristiauna), Göttingen 1980 (UTB 1016)
  • Johannes Brosseder: Reformatorischer Rechtfertigungsglaube und seine Kraft im ökumenischen Gespräch der Gegenwart. Ausgewählte Beiträge zur ökumenischen Theologie aus drei Jahrzehnten (= Cretta da güstificaziun reformatorica e sia forza i'l discuors ecumenic preschaint. Contribuziuns elettas a la teologia ecumenica da trais decennis) Christine Funk e. a. (Hg.), Frankfurt am Main 1999, ISBN 978-3-87476-347-9. (35 contribuziuns)
  • Horst Georg Pöhlmann: Abriß der Dogmatik. Ein Kompendium. (= Skizza da dogmatica. Ün cumpendi) Gütersloh, 6. Aufl 2002, Kapitel X, ISBN 3579000519.
  • Hans-Martin Barth: Dogmatik. Evangelischer Glaube im Kontext der Weltreligionen. Ein Lehrbuch. (= Cretta evangelica i'l context da las religiuns mundielas), Gütersloh 2. Aufl. 2002, S. 528-550;562-577, ISBN 3-579-05325-6.
  • Friedrich Hauschildt, Udo Hahn (edituors): Rechtfertigung heute. Warum die zentrale Einsicht Martin Luthers zeitlos aktuell ist. (= Güstificaziun hoz. Perche cha la persvasiun centrela da Martin Luther es adüna actuela), Lutherisches Kirchenamt / Uffizi ecclesiastic luteraun (VELKD), Hannover 2008, ISBN 978-3-9812446-0-1

Colliaziuns[modifitgar | modifitgar il code]