Gian Battista Tramèr

Gian Battista Tramèr (era scrit Tramêr; * 22 da settember 1812 a Tschierv; † 8 da favrer 1893) è stà in reverenda, schurnalist e scriptur rumantsch.

Vita

Gian Battista Tramèr è naschì l'onn 1812 a Tschierv en la Val Müstair. El ha frequentà la scola dal lieu, lu in institut privat a Seewis ed il seminari teologic a Cuira ch'el ha terminà il 1836. Suenter il seminari è el stà reverenda a Zernez, lura dal 1850 fin il 1889 a S-chanf, nua ch'el è mort l'onn 1893.

Ovra

Il 1857 ha Tramèr fundà ensemen cun Nicolo Kirchen e Janett Menni il Fögl d'Engiadina. El ha sez scrit per il Fögl ed ha surpiglià dal 1861 al 1863 la redacziun. El ha er redigì Il Tramagliunz, in chalender rumantsch ch'è cumparì dal 1862 al 1866.

Gian Battista Tramèr ha vertì ed adaptà diversas chanzuns ed edì ensemen cun Florian Barblan las «Chanzuns Romaunschas a trais vuschs per las scoulas superiuras».

Funtaunas

• Peider Lansel: Musa ladina. Antologia da la poesia engiadinaisa moderna, precedüda d'üna cuorta survista da nossa litteratura poetica. Engadin Press, Samedan 1910.