Guglielm Gadola

Quest artitgel è in sboz. Cun l'amplifitgar (co?) gidas a meglierar la Vichipedia rumantscha.

Guglielm Gadola (* 6 da november 1902 a Mustér; † 12 da fanadur 1961 a Cuira) è stà in scriptur e perscrutader rumantsch da la Surselva.

Vita

Guglielm Gadola è naschì ils 6 da november 1902 a Mustér. El ha frequentà la scola primara dal vitg ed il gimnasi da la claustra. In da ses scolosts là è stà pader Baseli Berther, rimnader da litteratura rumantscha ed expert d'istorgia locala, ha gì grond'influenza sin il giuven student. Suenter la scolas ha Gadola studegià istorgia, litteratura e filologia, l'emprima a Friburg e lura a Turitg. Là ha el promovì il 1930 cun la tesa Historia della litteratura sursilvana della reforma e cunterreforma.

Anc il medem onn è el vegnì clomà a la scola chantunala sco professer per istorgia e franzos. Questa plazza ha el occupà fin sia mort il 1961.

Ovra

Guglielm Gadola ha scrit 40–50 texts litterars, surtut raquints e novellas. Da sias perscrutaziuns davart l'istorgia, la cultura e la folclora rumantscha èn sortì passa 70 tractats.

Durant 25 onns ha Gadola redigì l'annuari-chalender Il Glogn e durant ulteriurs 15 onns è el stà redactur da l'Ischi.

Litteratura

• Felici Maissen: Prof. dr. Guglielm Gadola. En: Annalas da la Societad Retorumantscha. nr. 75 (1962)

Colliaziuns

• Guglielm Gadola en il Lexicon istoric retic
• Necrolog scrit da Hendri Spescha per sursilvan e tudestg