Heinrich Bullinger

Ord Wikipedia
Jump to navigation Jump to search
Write.svg Questa pagina è scritta en puter.
Heinrich Bullinger

Heinrich Bullinger (* als 18 da lügl 1504 a Bremgarten (Argovia), † als 17 da settember 1575 a Turich) d'eira ün refurmatur svizzer i'l 16evel tschientiner ed il successur da Zwingli.

Vita ed ouvra[modifitgar | modifitgar il code]

Zieva cha Zwingli d'eira mort i'l decuors da la seguonda guerra da Kappel 1531, dvantaiva Bullinger l'antistes a la baselgia principela Grossmünster a Turich. Già sia prüma predgia faiva ün effet grand süls audituors.

1536 cumpilaiva Bullinger insembel cun Oswald Myconius e Leo Jud la prüma confessiun helvetica.

L'an 1541 gratagiaiva a Bullinger da s'avair perinclet cun Johannes Calvin davart las dumandas chi reguardan a la Sencha Tschaina. La cunvegna vaiva nom (seguond il lö da las trattativas e da las suottascripziuns) Consensus Tigurinus (cunvegna zürigaisa).

Traunter 1561 e 1564 ho Bullinger elavuro la seguonda confessiun helvetica chi'd es auncha hozindi - sper il catechissem da Heidelberg - la scrittüra confessaunta la pü renomneda i'l spazi dal protestantissem refurmo.

Litteratura[modifitgar | modifitgar il code]

  • Fritz Blanke: Heinrich Bullinger: Vater der reformierten Kirche ( = Heinrich Bullinger: Bap da la baselgia refurmeda), Theologischer Verlag, Turich 1990, ISBN 3-290-10079-0.

Colliaziuns[modifitgar | modifitgar il code]