Karl Marx

Ord Wikipedia
Midar tar: navigaziun, tschertga
Karl Marx

Karl Heinrich Marx (* 5 da matg 1818 a Trier; † 14 da mars 1883 a Londra) è stà filosof, schurnalist politic e criticher da l'economia burgaisa. Ensemen cun Friedrich Engels è el daventà il teoreticher cun la pli grond'influenza dal socialissem e communissem. Sias teorias vegnan discutadas enfin oz cuntraversamain.

Survista[modifitgar | modifitgar il code]

Marx vala sco visiunari dal moviment da lavurers, ensemen cun Friedrich Engels, che ha dà impuls impurtants a la critica da l'economia politica e che ha publitgà las ultimas scrittiras da Marx suenter sia mort. En sia capodovra Das Kapital, ina teoria empirica, economica e matematica, analisescha Marx las vias da producziun chapitalisticas, la circulaziun da vitgira, la circulaziun da raps e l'accumulaziun da chapital. En sia analisa mussa el las dependenzas fundamentalas dad ina societad dominada chapitalisticamain.

Il chapital po vegnir observà da duas differentas varts: Primo dal punct da vista dal propriertari da chapital e secundo dal lavurer. Omadus puncts da vista èn novs en lur analisa ed anc adia actuals.

Ina da sias tesas centralas è ch'ils interess dals proprietaris e quels dals lavurers sajan incumpatibels e ch'ins possia mo surmuntar quest problem entras far ord las duas persunas ina singula, q.v.d. da far ils lavurers tar ils proprietaris da la fatschenta.

Colliaziuns[modifitgar | modifitgar il code]